Si Apwesa 15:7 - Buki Tabu Lowaenei 1919

⁷ Ta ‘imu bobo‘ai‘ailina ‘ana sinabwa ‘enega taudi ‘emuia si tootooro u ‘ula mwa‘utedi: ‘Imu gamwasoara u ‘ulena, ga i ‘arasidi sumwana ‘atua.

Si Apwesa 15:7 Referans Kwoze

Isaia 5:24

Ta ‘enega na‘ieana awe meiana sumwana ‘i e‘egumwarina, ta na‘ieana nedu iadaiadana ‘i mwa‘uta awe sabelulu ‘ena, na‘ieana ramudi ‘i da bila ‘atua, ta senidi ‘i da tu‘e kau ‘atua: bodao ‘idi Ieoba ‘ina loina si e‘idi‘idiena ta ‘enega, ta Iseraela ‘ina Tabu Tebweuna ‘ina ona si sinarina.

Isaia 47:14

U ‘ita, si da ‘e witi ‘aredi ‘atua; ‘awe ‘i da ‘arasidi; gea‘abo si da ‘etoseedi awe‐sabelulu ‘ina waiwaiega: gea‘abo ‘i da ‘e kebwanigita ‘ebesi‘asi‘ata, nai ‘awe ‘ebemiatoa matanaia.

Isaia 37:29

‘Imu egamwagamwagu ‘eguia leleana, ta ‘imu gagasa tenagu ‘edia ‘i tu‘ema manuna, ta ‘enega ‘igu dilu ubusuio ‘ena ia da sa‘u, ta ‘igu ‘ebe‘etobode sopaio ‘edia, ta ia da giesana‘ileio ‘eda ‘enega ‘u mai.

Isaia 5:16

Ta bodao ‘idi Ieoba ‘i mia tu‘e loina ‘enega, ta Eaubada tauna Tabu Tebweuna ‘i etabuna bubuna paruparu ‘enega.

Salamo 148:13

Ieoba ‘ana esana si da tupuna; Tebweuna ‘ana esana ‘i mia tu‘e ta ‘enega: ‘Ina esaesa bare‘u ta garewa ‘i tu‘esinedi.

Salamo 83:13

‘Igu Eaubada ie, ‘u da bubudi be si da ekau bwawabwawa ‘atua; ‘Atua sumwana iagila matanaia.

Isaia 37:38

Ta gete ‘i apwesa, ‘i bwagobwago Nisiroka ‘ina eaubada ‘ina anua ‘enaia, ga natunao me‘olotodi Adarameleka ta Saresera si ununa sisisaiega: ta ‘asa Ararata ‘ena si dena. Ta natuna Esaradona ‘i loina ‘ana lopa‘eru.

Isaia 37:36

Ta Ieoba ‘ina anelose ‘i apwesawa, ta me Asiria ‘idi ‘ebe‘eno ‘ena ‘i unudi wan anaredi ta eti paibe tausana: ta ni‘atu tai si tooro manini gonagonaia, ga wa ‘ita, iauiaudi kokoa mwawamwawasidi.

Isaia 37:23

Iaita ‘u ba‘ena ta ‘u ona besobeso‘ena? Ta iaita manuna ‘enaio ‘u gitu‘eiei ta matamuiega u ‘ita tu‘e tabwanaia? tuga Iseraela ‘ina Tabu Tebweuna ‘enaia.

Isaia 37:17

Ieoba ie, ‘u da enonotenasi, be ‘u da nono; Ieoba ie, mataio ‘u da ebari, be u ‘ita; ta Senakeriba ‘ina ona iauiauna ‘u da nonodi, tauna ‘i etune be Eaubada maiawasina ‘i da ba‘ena.

Salamo 68:33

Tauna ‘i geru garewa ‘idi garewa, taudi lowaeneiega, tauna ‘enaia; Wa ‘ita, ‘enana ‘i ona, tauna ‘enana waiwaina.

Salamo 59:13

Gamwasoarega ‘u da loegumwaridi, ‘u da loegumwaridi, be ‘enega gea‘abo wate si da miami: Ta ‘u da e‘itadi ‘aene Eaubada ‘i loina Iakobo ‘ena, Ga bare‘u ‘ina ‘ebelosaroniao. (Sela).

Si Apwesa 9:16

Ona ‘ai‘aila gete manuna ia gietooromu, be ‘enega ‘igu waiwai ia da e‘ita ‘emuia, ta ‘aene ‘agu esana si da ‘inana gabura maibo‘ana ‘enaia.

Si Apwesa 14:27

Ta Mose nimana ‘i iasitotona ora debanaia, ta ‘ena gonagona ‘i apwesa ga ora i ‘ila ‘ina waiwai ‘enaia; ta me Aigupito si denadena matanaia; ta Ieoba me Aigupito i ‘ula mwa‘utedi ora gamwanaia.

Si Apwesa 5:12

Ta ‘enega tomota si sawara dadana ‘asa Aigupito maibo‘ana ‘enega be sumwana si egogone nedu manuna.