Si Apwesa 15:2 - Buki Tabu Lowaenei 1919

² Ieoba ‘igu waiwai ta ‘igu wari, Ta Tauna ni‘atu ‘agu ‘etoseana: Gete ‘igu Eaubada, ta ia da tupuna; Tamagu ‘ina Eaubada, ta ia da gitu‘eiena.

Si Apwesa 15:2 Referans Kwoze

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Salamo 118:14

Ieoba ‘igu waiwai ta wari; Ta ni‘atu tauna ‘agu ‘etoseana.

Salamo 18:46

Ieoba maiawasina; ta ‘igu gurewa si da tupuna; Ta ‘agu ‘etoseana ‘ina Eaubada ‘i da mia tu‘e:

Salamo 59:17

‘Emuia, ‘igu pa‘arina ie, tuputupu ia da wariei: Eaubada ‘igu anua ‘etosorana ta ‘enega, ‘agu nua‘ole‘ole ‘ina Eaubada.

Isaia 25:1

Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.

Salamo 140:7

Eaubada ‘Inapwana ie, ‘agu ‘etoseana ‘ina pa‘ara, Asiata saia ‘enega debagu ‘u bodena.

Salamo 99:9

Ieoba ‘ida Eaubada wa da gitue‘iei, Ta ‘ina ‘oea tabu ‘ena wa da bwagobwago; Ieoba ‘ida Eaubada ‘i tabu ta ‘enega.

Salamo 118:28

‘Oio ‘igu Eaubada, ta ‘emuia ia da lokagutoki: ‘Oio ‘igu Eaubada, ia da tupuio.

Salamo 99:5

Ieoba ‘ida Eaubada wa da gitu‘e, Ta ‘aena ‘ana ‘ebesa‘u ‘ena wa da bwagobwago: Tauna ‘i tabu.

Salamo 34:3

Ieoba wa da ‘awaeseesei ma‘eguao, Be ‘ana esana ta da gitu‘eie rererea.

Si Apwesa 3:6

Wate ‘i gwae, ‘Abo‘agu tamaio ‘ina Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be. Ta Mose maninina i ‘aubodebodena; ‘ita Eaubada ‘i matautena ta ‘enega.

Salamo 145:1

Ia da ‘awabobo‘aneio, ‘igu Eaubada, King ie; Ta ‘amu esana ia da ‘awabobo‘anena ‘ataia.

Si Apwesa 14:13

Ta Mose ‘i ona tomota ‘edia, Gea‘abo wa da matauta, wa da tooromo, ta Ieoba ‘ina ‘etoseana wa da ‘ita, tauna ‘i da guinua manumi batua: me Aigupito nidi taudi ni‘atu wa ‘itedi batua, gea‘abo wate wa da ‘italimedi ga tuta ataia ta ‘enega.

Si Apwesa 4:22

Ta ‘u da ona Parao ‘enaia, Gete nadigega Ieoba ‘i ona, Iseraela natugu me‘olotona, ‘igu tomatua:

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Salamo 109:1

‘Igu tuputupu ‘ina Eaubada ie, gea‘abo ‘u enono;

Salamo 27:1

Ieoba ‘igu ma‘edana ta ‘agu ‘etoseana; iaita ia da matautena? Ieoba iawasigu ‘ina waiwai; iaita manuna ia da ‘atesa‘ara?

Si Apwesa 40:34

Ga poana anua‐‘ebeeloba ‘i lobodebodena, ta Ieoba ‘ina esaesa tabenakele ‘i loema‘ena.

Isaia 66:1

Gete nadigega Ieoba ‘i gwae, Garewa ‘igu ‘ebemi‐esaesa, ta bare‘u ‘aegu ‘adi ‘ebesa‘u: to anua wa da ‘abi ‘eguia? Ta to esena ‘igu ‘ebeeiawai‘ata?

Isaia 45:17

Iseraela Ieoba ‘i da ‘etoseena ‘etoseana mia‘ataia ‘enega: gea‘abo wa da omaiamaia nai wa da loniu ga bare‘u ‘ana ‘ebelosaroni.

Salamo 132:5

Ga ‘e bweu esena Ieoba manuna ia da loba bemi, Tabenakele ‘e bweu Iakobo ‘ina To Ewaiwai Tebweuna manuna.

Salamo 68:20

Eaubada ‘edaia ‘etoseanao ‘idi Eaubada; Ta Ieoba ‘Inapwana Tauna mwawasa ‘ina ‘ebeapwesaiao ‘ena si miami.

Salamo 30:1

Ieoba ie, ia da tupuio; ‘u lisi tu‘eiegu ta ‘enega, Ta ‘agu tarauwarao nigea ‘u bubudi be si guausoara ‘etaniguia.

Salamo 28:8

Ieoba tauna ‘idi waiwai. Ta tauna i ‘etoseana giiaina pa‘arina ‘ina siwasiwarorodi ‘edia.

Salamo 22:10

‘Emuia si ‘ulegu gamwa ‘enega: ‘Oio ‘igu Eaubada sinagu gamwanega.

Salamo 22:3

Ta ‘oio u ‘esasena, ‘Oio Iseraela ‘ina totuputupuiao ‘edia ‘u miami.

Nugana 17:7

Ta ‘igu ona‘upa‘upa ia da sa‘u ‘eguia ta ‘emuia ta tubumuao murimuia ‘idi epatatomota ‘edia be ‘i da ona‘upa‘upa ‘ataia, be ia da Eaubada ‘emuia ta tubumuao murimuia ‘edia.

Nugana 49:18

Ieoba ie, ‘imu ‘etoseana manuna ia iamwaiamwa ni‘atui.

Salamo 48:14

Eaubada gete ‘ida Eaubada ataia ta ataia ‘enega: Tauna ‘i da e‘ada to ‘au‘ewena ga mwawasa ‘enaia.

Si Apwesa 6:7

ta ia da ‘au‘ewemi ‘eguia ‘igu tomota, ta ‘Abo‘agu Eaubada ‘emia; ta wa da mwaratoni ‘aene ‘abo‘agu Ieoba ‘imi Eaubada, tauna me Aigupito ‘idi ‘a‘ara ‘agaraunega i ‘au‘ewemi.

Salamo 118:21

Ia da lokagutoki ‘emuia, ‘eguia ‘u ona limana ta ‘enega, Ta ‘oio ni‘atu ‘agu ‘etoseana.