Si Apwesa 13:3 - Buki Tabu Lowaenei 1919

³ Ta Mose ‘i ona tomota ‘edia, Asiata gete wa da nua‘i‘isi, tauna ‘enega Aigupitoega wa apwesama, ioniionidi ‘idi anuega; nima waiwaiiega Ieoba esena gete ‘enega i ‘au‘ewemi ta ‘enega: gea‘abo palaua malebeni wa ‘e‘ani.

Si Apwesa 13:3 Referans Kwoze

Si Apwesa 20:2

‘Abo‘agu Ieoba ‘imu Eaubada, tauna ‘asa Aigupitoega i ‘au‘ewemu, ioniionidi ‘idi anuega.

Si Apwesa 13:14

Ta ‘ena natuio me‘olotona tuta ‘i memai ‘enega ‘i eonaio, ‘i gwae, To‘ase gete? ga ‘u da ona ‘enaia, Nima waiwaiiega Ieoba i ‘au‘eweda Aigupitoega, ioniionidi ‘idi anuega:

Si Apwesa 12:42

Gete boiboi si da ‘ita‘i‘isi Ieoba ‘enaia ‘ina ‘au‘ewedima ‘asa Aigupito ‘enega manuna: gete Ieoba ‘ina boiboi nina, Iseraela tubunao iauiaudi si da ‘ita‘i‘isina ‘adi ‘epata‐tomota maibo‘anega.

Si Apwesa 23:15

Palaua nigea lolebeninamo ‘ina sagari ‘u da ‘ita‘i‘isi: asiata ‘e sebeni palaua nigea lolebeninamo ‘u da ‘e‘ani, na‘ieana ia ona ni‘atu ‘emuia, tuta ‘ase‘aseiana ‘enega nawarae Abiba ‘enaia (‘Ena Aigupitoega ‘u mai ta ‘enega); ta gea‘abo ‘e bweu mataguia ‘i da apwesama kakaena:

Si Apwesa 20:8

Asiata sabate ‘u da nua‘i‘isina, be ‘u da ‘etabuna.

Si Apwesa 12:19

Asiata ‘e sebeni gea‘abo lebeni si da lobaloba ‘imi anua ‘edia: tauna iage lolebenina i ‘enina, tauna tomota‐maiawasina nina boda Iseraela ‘enega si da ‘upwa‐iaulena ta ‘enega, nai tomia to‘u‘umara, nai tauna ‘i tubua ‘asa ‘enaia.

Si Apwesa 12:8

Ta boiboi nina esiona si da ‘ani, gabugabuna aweiega, ta palaua nigea malebeninamo; pai darerena ma‘ieana si da ‘enina.

Si Apwesa 6:1

Ta Ieoba ‘i ona Mose ‘ena, Gete ‘u da ‘ita iage ia da guinua Parao ‘enaia; nima waiwaiega ‘i da tagwaredi be si da tauia ta ‘enega, ta nima waiwaiega ‘ina ‘asega ‘i da pa‘idi.

Si Apwesa 3:20

Ta nimagu ia da iasitoto, ta Aigupito ia da ununa ‘igu guinua didiga iauiauna ‘ediega taudi ia da guinua gamwagamwanaia: ta muriega ‘i da tagwaremi be wa da tauia.

Si Apwesa 12:15

Asiata e sebeni palaua nigea malebeninamo wa da ‘e‘ai; gimi asiata ‘enega lebeni wa da ‘ewa iaulei ‘imi anua ‘ediega: tauna palaua malebeni i ‘e‘ani gimi asiata ‘enega ga asiata e sebeni nina, tai maiawasina gote Iseraelega si da ‘upwaiaulena.

Salamo 105:5

‘Ina guinua to sinabwasadi taudi ni‘atu ‘i guinuei wa da nua‘i‘isidi; ‘Ina ‘ebenua‘owanao, ta ‘awana ‘ina loinao;

Si Apwesa 6:6

Ta ‘enega Iseraela tubunao ‘edia ‘u da gwae, ‘Abo‘agu Ieoba, ta me Aigupito ‘idi ‘a‘ara ‘ediega ia da ‘au‘ewemi, ta ‘idi iona ‘enega ia da ‘etoseemi, ta ia da li‘amimi nima iasitotoega, ta loina sinabwadi ‘ediega:

Si Apwesa 7:4

Ta Parao gea‘abo ‘emia ‘i da nonono, ta nimagu ia da sa‘u Aigupito ‘enaia, ta ‘igu bodao, ‘igu tomota Iseraela tubunao, ia da ‘au‘ewedima ‘asa Aigupito ‘enega loina sinabwadi ‘ediega.

Si Apwesa 12:17

Ta palaua nigea malebeninamo wa da nua‘i‘isi; asiata tauna gete ‘enega ‘imi bodao ni‘atu ia ‘au‘ewedima ‘asa Aigupito ‘enega: ta ‘enega asiata gete wa da nua‘i‘isi ‘imi epata‐tomotaiao ‘ediega loina gea‘abo ‘i da gumwagumwara ‘enega.

Si Apwesa 13:9

Ta ‘i da we‘iwe‘iiaia ‘emuia nimaio ‘enaia, ta ‘ebenua‘i‘isi manuna mataio gamwagamwanidia, be ‘enega Ieoba ‘ina loina ‘awaio ‘ena ‘i da miami: nima waiwaiiega Ieoba i ‘au‘ewemu Aigupitoega ta ‘enega.

Salamo 114:1

‘Ena Iseraela ‘i apwesa Aigupito ‘enega, Iakobo ‘ina susu tomota ‘enadi dumadumana ‘ediega;

Salamo 136:11

Ta Iseraela i ‘au‘ewedima gamwagamwanidiega: ‘Ina nua‘ole‘ole ‘i mia ‘ataia ta ‘enega:

Nugana 15:16

Ta ‘epata‐tomota ‘e atana ‘enega si da ‘ila limanama: me Amori ‘idi bubuna geiogeioi nigea gete ‘i maa ta ‘enega.

Si Apwesa 6:7

ta ia da ‘au‘ewemi ‘eguia ‘igu tomota, ta ‘Abo‘agu Eaubada ‘emia; ta wa da mwaratoni ‘aene ‘abo‘agu Ieoba ‘imi Eaubada, tauna me Aigupito ‘idi ‘a‘ara ‘agaraunega i ‘au‘ewemi.

Si Apwesa 12:2

Nawarae gete ‘i da nawarae ‘adi nugana ‘emia: tauna ‘i da iakwara ‘ana gimi nawarae ‘emia.

Si Apwesa 12:41

Ta iakwara e poa anaredi ta tati ‘adi ‘ebelosaroni ga gete ‘i apwesa, asiata tauna ‘ai‘aila gete ‘i apwesa, Ieoba ‘ina bodao iauiaudi ‘asa Aigupito ‘enega si tauiawa.

Si Apwesa 34:18

Palaua nigea malebeninamo ‘ana sagari ‘u da ‘ita‘i‘isi. Aaiata e sebeni palaua nigea malebeninamo ‘u da ‘e‘ai, nadigega ia ona ‘emuia, tuta aseiana ‘enega nawarae Abiba: nawarae Abiba ‘enega Aigupitoega ‘u apwesama ta ‘enega.

Salamo 89:14

Bubuna paruparuna ta loina taudi ‘imu ‘ebemi esaesa ‘ana ‘autui: Nua‘ole‘ole ta ona ‘ai‘aila matamuia si tautauia.

Salamo 136:12

Nimana waiwaiega, ta nimana iasiiasitotoega: ‘Ina nua‘ole‘ole ‘i mia ‘ataia ta ‘enega.