Si Apwesa 12:16 - Buki Tabu Lowaenei 1919

¹⁶ Ta gimi asiata ‘enega deriegogona tabu ‘e bweu ‘i da miami ‘emia, ta asiata ‘e sebeni nina deriegogona tabu ‘e bweuna; gea‘abo ‘e bweu guinua ‘edia si da guinua, tauna tuga tai iauna si da ‘e‘ai, tauna tuga wa da guinuei.

Si Apwesa 12:16 Referans Kwoze

Si Apwesa 16:23

Ta ‘i ona ‘edia, Gete iage nina Ieoba ni‘atu ‘i oneone, Gibua‘i miadaita mwaumwau, sabate tabu Ieoba ‘enaia: iage gabugabuna wa da gabuna, ta iage ‘e‘urenina wa da ‘e‘ureni; ta iauna tupwana wa da sa‘u manumi be ‘i miami ga gonagonaia.

Loina 23:35

Asiata ‘e bweuna ‘i da bwauegogona tabu: gea‘abo ‘e bweu guinua mwauna wa da iageiage.

Loina 23:27

Gete tuga nawarae ‘e sebeni nina gete ‘ina asiata ‘e teni nina tauna asiata gienua ‘ebweu: ‘i da ‘e bwauegogona tabu ‘emia, ta iaruiaruami wa da gie‘elo‘uiadi; ta ‘ebwaeadaita si bubuna aweiega wa da ‘ebwaea Eaubada ‘enaia.

Loina 23:21

Ta wa da wanana tauna asiata nina ‘enega; bwauegogona tabu ‘i da apwesa ‘emia: guinua ‘ana mwau gea‘abo ‘e bweu wa da bubuna: tauna loina ataia ‘imi anua iauiauna ‘edia ‘imi epata‐tomota ‘edia.

Si Apwesa 20:10

Ta asiata ‘e sebeni nina ‘i sabate Ieoba ‘imu Eaubada ‘enaia: ‘ena gea‘abo ‘e bweu guinua ‘u da guinua, ‘oio, nai natuio me‘olotona, nai natuio me wainena, ‘imu toguinua me‘olotona, nai ‘imu toguinua mewainena, nai ‘imu bulomakau, nai ‘imu to‘u‘umara ‘imu ‘asa gamwanaia ‘i miami:

Si Apwesa 16:29

Wa ‘ita, Ieoba ni‘atu sabate i ‘ebwaemi manuna, ta ‘enega asiata ‘e sikisi nina masura asiata ‘e rua manudi i ‘ebwaemi; wa da miami tai ‘e bweuna ‘e bweuna ‘ina esena ‘enaia, gea‘abo ‘e bweu tai ‘ina esenega ‘i da apwesa asiata ‘e sebeni nina ‘enega.

Si Apwesa 16:5

Ta asiata ‘e sikisi nina gete ‘i da apwesa, iage si me‘ena si da sa‘u, ta ‘ana sinabwana si egogona asiata ta asiata ‘i da girua.

Si Apwesa 34:18

Palaua nigea malebeninamo ‘ana sagari ‘u da ‘ita‘i‘isi. Aaiata e sebeni palaua nigea malebeninamo ‘u da ‘e‘ai, nadigega ia ona ‘emuia, tuta aseiana ‘enega nawarae Abiba: nawarae Abiba ‘enega Aigupitoega ‘u apwesama ta ‘enega.

Isaia 1:13

Gea‘abo wate ‘ebwaeadaita besobeso wa me‘eme‘ena; mu‘ana ‘i gadilulu ‘eguia; nawarae auauna, deriegogona ‘adi bwau, — bubuna bokobokona deriegogona mwaumwau ma‘ieana nigea kapekapeana ia ‘ewa iaulena.