Si Apwesa 10:2 - Buki Tabu Lowaenei 1919

² Ta ‘aene ‘u da simana natuio me‘olotona tenanaia, ta natuio natuna me‘olotona, iage ni‘atu ia guinuedi Aigupito ‘enaia, ta ‘igu we‘iwe‘iiaia ni‘atu ia guinuedi ‘edia; be ‘enega wa da mwaratoni ‘aene ‘abo‘agu Ieoba.

Si Apwesa 10:2 Referans Kwoze

Si Apwesa 13:14

Ta ‘ena natuio me‘olotona tuta ‘i memai ‘enega ‘i eonaio, ‘i gwae, To‘ase gete? ga ‘u da ona ‘enaia, Nima waiwaiiega Ieoba i ‘au‘eweda Aigupitoega, ioniionidi ‘idi anuega:

Salamo 44:1

Eaubada ie, tenamega ‘a nonona, tamamao si simana ‘emaia, Guinua nina ‘u mweruruina ‘idi asiatao, asiata lowaenei.

Si Apwesa 7:17

Gete nadigega Ieoba ‘i gwae, Gete ‘ena ‘u da mwaratoni ‘abo‘agu Ieoba: u ‘ita, Keweliwelili nimagu ‘ena ‘i miami ‘enega boasiao taudi boasi ‘awa ‘ena si miami ia da unudi, ta si da erara.

Salamo 71:18

Tamo, Eaubada ie, ‘ena iawasigu ‘i dudurana ta uiauiagu ‘i segwa gea‘abo ‘u da e‘idi‘idiegu; Ga ‘imu pa‘arina ia da simane epata tomota ‘enaia, ‘Imu waiwai ‘ebweuna ‘e bweuna ‘i memai ‘enaia.

Salamo 58:11

Ta ‘enega tai si da gwae, Ona ‘ai‘aila to bubu paruparuna ‘ana e‘isa ‘i miami: Ona ‘ai‘aila Eaubada ‘i miami tauna ‘i loina bare‘uia.

Si Apwesa 7:5

Ta ‘ena nimagu ia iasitoto Aigupito ‘enaia, ta Iseraela tubunao ia ‘au‘ewedima gamwagamwanidiega, ga me Aigupito si da mwaratoni ‘aene ‘abo‘agu Ieoba.

Si Apwesa 8:6

Ta Aarona nimana ‘i iasitotona Aigupito boasinao debadia; ta kwekwe si tu‘ema, ta ‘asa Aigupito si teteuiosina.

Si Apwesa 14:4

Ta Parao ‘atena ia da giewaiwai, ta ‘i da muriedima; ta ‘agu amaiaba ia da ‘ewa Parao ‘enega, ta ‘ina boda maibo‘ana ‘enega; ta me Aigupito si da mwaratoni ‘aene ‘Abo‘agu Ieoba. Ta si guinua nadigega.

Si Apwesa 14:18

Ta me Aigupito si da mwaratoni ‘aene ‘Abo‘agu Ieoba, ‘ena ‘igu ‘amaiaba ia ‘ewena Parao ‘enega, ‘ina wagalisilisi ‘ediega, ta ‘ina togeruoseao ‘ediega.

Salamo 44:2

‘Ebeloinao ‘u pa‘idi nimamuiega, ta ‘u asodi soranaia; Tomota ‘adi ‘elo‘uia ‘u sa‘una, ta ‘u lelewanedi.

Salamo 78:3

Taudi ni‘atu ta nonodi ga ta sinapudi, Ta tamadao ni‘atu si simana ‘edaia.

Isaia 38:19

Maiawasina, maiawasina, tauna ‘i da tupuio, na‘ieana ‘abo‘agu batua: Tamadi natunao ‘edia ‘imu ona‘ai‘aila ‘i da e‘ita.