Salamo 96:6 - Buki Tabu Lowaenei 1919

⁶ Amaiabe ta esaesa matanaia si miami: Waiwai ta ‘ita bobo‘ana ‘ina anua tabu ‘ena si miami.

Salamo 96:6 Referans Kwoze

Salamo 104:1

Iauiaruagu ie, Ieoba ‘u da tupuna. Ieoba ie ‘igu Eaubada, ‘oio to sinabwa saio; ‘Amu ‘oama ‘amaiaba ta esaesa.

Salamo 93:1

Ieoba ‘i loina; ‘ana ‘oama bubuna esaesa; Ieoba ma‘ana ‘oama, ni‘atu tolobwana ‘i losipwena pa‘arinega: Gabura wate ‘i pa‘ara, be gea‘abo ‘i loniu.

Salamo 50:2

Siona ‘enega, ‘ana ‘ita bobo‘ana maibo‘anega, Eaubada ni‘atu ‘i saema.

Salamo 29:9

Ieoba ‘enana bulomakau mewainedi ‘i bubudi be si enatuna, Ta kaiwe bwaradi ‘i sekoli ‘ai‘ailidi; Ta ‘ina anua tabu ‘enaia iage iauna ‘i gwae, Esaesa.

Salamo 27:4

Iage ‘e bweuna Ieoba ‘ena ia sida, iage nina ia da ‘ebese: Be ‘enega Ieoba ‘ina anua ‘ena ia da miami iawasigu ‘ina asiata iauiauna, Sabi ‘ita Ieoba ‘ana ‘ita bobo‘ana, ta sabi eonaona ‘ina anua ‘enaia.

Salamo 19:1

Garewaia Eaubada ‘ina esaesa si simanena; Ta mwatui nimana ‘ina guinua ‘i e‘itaena.

Salamo 8:1

Ieoba ie, ‘ima ‘Inapwana, ‘Amu esana ‘i bobo‘ai‘ailina bare‘u maibo‘ana ‘enaia! Tauio ‘imu esaesa ni‘atu ‘u sa‘u tu ‘e garewaia.

Salamo 63:5

Iaruiaruagu tona‘ana ‘i da toa ‘atua iapa ta momonana ‘ediega; Ta ‘awagu ‘i da tupuio sopa guausoaridi ‘ediega;