Salamo 96:10 - Buki Tabu Lowaenei 1919

¹⁰ ‘Ebeloinao gamwagamwanidia wa da ona, Ieoba ‘i loiloina; Bare‘u wate ‘i pa‘ara be gea‘abo ‘i da loniu; Tomota ‘i da loinedi bubuna ‘ai‘ailega.

Salamo 96:10 Referans Kwoze

Salamo 93:1

Ieoba ‘i loina; ‘ana ‘oama bubuna esaesa; Ieoba ma‘ana ‘oama, ni‘atu tolobwana ‘i losipwena pa‘arinega: Gabura wate ‘i pa‘ara, be gea‘abo ‘i loniu.

Salamo 67:4

‘Ebeloinao si da uiawana ta si da wari guausoara manuna; Tomotaiao ‘u da loina etara‘ai‘ailega, Ta ‘ebeloinao ‘u da loinedi bare‘u ‘enaia. (Sela.)

Salamo 9:8

Ta gabura ‘i da loine bubuna paruparunega, Loina ‘i da guinue tomota ‘edia bubuna ‘ai‘ailega.

Salamo 98:9

Ieoba matanaia, tauna ‘i mai sabi loina bare‘u ta ‘enega: Gabura ‘i da loinei bubuna paruparuiega, Ta tomotai bubuna ‘ai‘ailega.

Salamo 126:2

Ga ‘awada si maa ‘edagiega, Ta meiada wariega. Ga si gwae ‘ebeloinao gamwagamwanidia, Ieoba ni‘atu iage sinabwadi ‘i guinuedi manudi.

Salamo 96:13

Ieoba matanaia, ‘i memai ta ‘enega; ‘I memai sabi loina bare‘u ta ‘enega; Bare‘u ‘i da loina bubuna paruparuiega, Ta tomota ‘ina ona‘ai‘ailega.

Salamo 58:11

Ta ‘enega tai si da gwae, Ona ‘ai‘aila to bubu paruparuna ‘ana e‘isa ‘i miami: Ona ‘ai‘aila Eaubada ‘i miami tauna ‘i loina bare‘uia.

Salamo 46:10

Wa da mia oonua, ta wa da mwaratoni ‘abo‘agu Eaubada; Si da gitu‘eiegu ‘ebeloina gamwagamwanidia, Si da gitu‘eiegu bare‘u ‘enaia.

Salamo 18:49

Ta ‘enega ‘emuia ia da lokagutoki, Ieoba ie, ‘ebeloina gamwagamwanidia, Ta ‘amu esana ‘ana tuputupu ia da wariei.

Salamo 59:13

Gamwasoarega ‘u da loegumwaridi, ‘u da loegumwaridi, be ‘enega gea‘abo wate si da miami: Ta ‘u da e‘itadi ‘aene Eaubada ‘i loina Iakobo ‘ena, Ga bare‘u ‘ina ‘ebelosaroniao. (Sela).

Isaia 49:8

Gete nadigega Ieoba ‘i gwae, Tuta bobo‘ana ‘enega ni‘atu ia onalimana ‘emuia, ta ‘etoseana ‘ana asiata ‘enega ni‘atu ia lememu: ta ia da egagareio, ta ia da ‘ebwaea‘eio tomota ‘idi ona‘upa‘upa manuna, be bare‘u ‘u da sa‘u ‘ai‘aili, be ‘u da loinedi be ‘egu‘eguia waboreboreao si da ‘ewa:

Salamo 46:6

‘Ebeloinao si egamwagamwagu, ‘asa si loniu: ‘Enana ‘i gieapwesena, bare‘u ‘i doga.

Salamo 7:9

To to‘umalidi ‘idi to‘umalina ‘u da tagwara be ‘i da gumwara, ta to paruparudi ‘u da sa‘u pa‘aridi: Eaubada paruparuna nua‐magi ta ‘ate ‘i toodi.

Salamo 9:9

Ieoba wate ‘i da anua‐‘ebe‘ita‘i‘ita ‘etosorana taudi si didigedi ‘edia, Anua ‘ebe‘ita‘i‘ita ‘etosorana ‘eto ‘uia ‘ana tutao ‘ediega;

Isaia 52:7

Tauna tetera bobo‘adi ‘i me‘edi ‘aena bobo‘ai‘ailidi ‘oeao ‘edia, tauna guguia ‘i etetera, tauna bobo‘ana ‘ina tetera bobo‘adi ‘i me‘edi, tauna ‘etoseana ‘i guguiaei; tauna Siona ‘ena ‘i ona, ‘Imu Eaubada ‘i loiloina!