8 Ta ‘oio, Ieoba ie, ‘u mia tu‘e ataia.
Be ‘enega si da mwaratoni ‘aene tebweuio, ‘amu esana IEOBA, To Lo‘etana Sana bare‘u maibo‘ana debanaia. ‘Oio.
Boasi iauiauna ‘enadi ‘edia, Ora lisuna waiwai lasalasadi, Ieoba lo‘etana ‘i ewaiwai wawasae.
‘Agu tarauwarao ‘aene si da tonegu asiata maibo‘anega: Taudi si losaia gagasa ‘eguia si iau‘ena‘ina ta ‘enega.
Gete ‘enega ia mwaratoni ‘aene Ieoba ‘i sinabwa wawasae eaubada iauiaudi ‘edia: tamo, iage nina ‘enega si bubuna gagasa ‘edia.
Manini si da ‘upwedi nedu ‘atua ta ‘enega, Ta si da ‘oaperu pwatura karakarawina na‘ieana.
Ga tuta nina Eaubada ‘ina anua tabu ‘ena ia rugu, Ta ‘idi ‘ebelosaroni muriega ia nuena.
Ona ‘ai‘aila esena newanewadi ‘edia ‘u sa‘udi: ‘U ulamwa‘utedi saoora ‘enaia.
Ta taudi si tauia dumaduma ‘idi ‘eda bokobokodi ‘edia, Ieoba ‘i da tauiediwa bubuna bokoboko ‘ana to‐guinuao ma‘edi. Guguia Iseraela ‘ena ‘i da miami.
