Salamo 91:2 - Buki Tabu Lowaenei 1919

² Ieoba manuna ia da gwae, Tauna ‘igu ‘ebedena ta ‘igu anua pa‘arina; ‘Igu Eaubada, tauna ‘ena ia ‘emisa.

Salamo 91:2 Referans Kwoze

Salamo 18:2

Ieoba ‘igu gurewa, ta ‘igu anua‐waiwai, ta ‘igu to‘etoseana; ‘Igu Eaubada, ‘igu gurewa waiwai, ‘ena ia da ‘emisa; ‘Igu lawa, ta ‘igu ‘etoseana kunana, ‘igu anua‐‘ebe‘ita‘i‘ita ‘etosorana.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Salamo 142:5

Ieoba ie, ‘emuia ia bwau; Ia gwae, ‘Oio ‘igu ‘ebedena, ‘Agu ‘egu‘eguiai maiawasidi ‘idi ‘asa ‘enaia,

Salamo 46:1

Eaubada ‘ida ‘ebedena ta ‘ida pa‘arina, Tauna lema ta loba ‘ai‘aila elo‘uia ‘enaia.

Salamo 71:3

‘Oio ‘u da ‘egurewa duruduruina ‘eguia, be ‘ena ia da dena ataia: Ni‘atu ‘u loina be si da ‘etoseegu; ‘Oio ‘igu gurewa ta ‘igu anua ‘ebelosaia.

Salamo 14:6

Gomabeso ‘idi nuena wa gieomaiemaiena, Ieoba ‘ina ‘ebedena ta enega.

Salamo 91:9

Ieoba ie, ‘Oio ‘igu ‘ebedena ta ‘enega! To Lo ‘Etana Sana ni‘atu ‘u bubuna ‘imu anua;

Salamo 48:14

Eaubada gete ‘ida Eaubada ataia ta ataia ‘enega: Tauna ‘i da e‘ada to ‘au‘ewena ga mwawasa ‘enaia.

Nugana 17:7

Ta ‘igu ona‘upa‘upa ia da sa‘u ‘eguia ta ‘emuia ta tubumuao murimuia ‘idi epatatomota ‘edia be ‘i da ona‘upa‘upa ‘ataia, be ia da Eaubada ‘emuia ta tubumuao murimuia ‘edia.

Salamo 43:4

Ga ia da tauia Eaubada ‘ina ‘ebetaria ‘enaia, Eaubada ‘igu ‘ebeguausoara ‘ana uiawana ‘enaia: Ta api ‘ena ia da tupuio, Eaubada ie, ‘igu Eaubada.

Salamo 18:3

Ieoba ‘ena ia da bwau, tauna tuputupu ‘i sawesawenaia: Nadigega ia da bobo‘ana ‘agu tarauwarao ‘ediega.

Salamo 25:2

‘Igu Eaubada ie, ‘emuia ni‘atu ia ‘emisa, Gea‘abo ‘u da tagwaregu be ia da omaiamaia; Gea‘abo ‘u da tagwara be ‘agu tarauwarao si da ewaiwai ‘eguia.

Salamo 31:15

‘Igu tutao nimamuia si miami: ‘Agu tarauwarao nimadiega ‘u da ‘etoseegu, ta ‘ediega si unuunugu.

Salamo 46:2

Ta ‘enega gea‘abo ta da matamatauta, ‘abo bare‘u ‘ina bubuna ‘i ebuni, Ta ‘abo ‘oea si loniu ora soradia;

Salamo 61:5

‘Oio, Eaubada ie, ‘igu ona‘upa‘upa ni‘atu ‘u nonona ta ‘enega: Taudi ‘amu esana si ‘amaiabena ‘adi ‘egu‘eguiai ni‘atu u ‘ebwaegu.

Salamo 142:6

‘Igu bwau ‘u da nonona; ni‘atu ia mia mwa‘uta wawasae ta ‘enega: Taudi si unuunugu ‘ediega ‘u da ‘etoseegu; si waiwai wawasae ‘eguia ta ‘enega.