11 Ieoba ‘ena wa da wari tuputupu, tauna Siona ‘ena ‘i miami: Tomota ‘edia ‘ina guinuao wa da simanedi.
Ta lokagutoki ‘ana tariao si da ‘ebwaea, Ta ‘ina guinuao si da simanedi wariega.
‘Ana esana ‘ina esaesa ‘u da wariei: ‘Ana tuputupu ‘u da giesaesai.
Gea‘abo ia da mwawasa, ia da bobo‘ana, Ta Ieoba ‘ina guinua ia da simanedi.
‘Ebeloinao gamwagamwanidia wa da ona, Ieoba ‘i loiloina; Bare‘u wate ‘i pa‘ara be gea‘abo ‘i da loniu; Tomota ‘i da loinedi bubuna ‘ai‘ailega.
Wa da ma, be Eaubada ‘ina guinuao wa da ‘itedi; ‘Ina bubuna tai natudiao ‘edia ‘i didiga.
Wate Salema ‘ena ‘ina tabenakele ‘i miami, Ta ‘ina ‘ebemia Siona ‘enaia.
Ga toase ‘e bweu ‘i da ona limana ‘ebeloina ‘ina etuetune ‘enaia? Ieoba Siona ‘ana ‘autui ‘i sa‘ui, ta ‘ena ‘ina tomota ‘elo‘uiadi si da denadena.
Ta susu Iuda i ‘ita‘esi‘esinuena, ‘Oea Siona tauna ‘i obobomena.
‘Ina oboboma ‘eguia ‘i sa‘u, ta ‘enega ia da ‘etoseena: Ia da sa‘u tu‘eiena, ‘agu esana ‘i mwaratonina ta ‘enega.