Salamo 84:11 - Buki Tabu Lowaenei 1919

¹¹ Ieoba Eaubada Tauna sinara ta lawa ta ‘enega: Ieoba nua‘ole‘ole ta esaesa ‘i da ‘ebwaea: Taudi si tauia ‘ai‘aila gea‘abo ‘e bweu iage bobo‘ana ‘ediega ‘i da egagare.

Salamo 84:11 Referans Kwoze

Salamo 85:12

Tamo, Ieoba iage nina ‘i bobo‘ana ‘i da ‘ebwaeio; Be ‘ida ‘asa ‘i da ua loebwaina.

Salamo 3:3

Ta ‘oio, Ieoba ie, ‘u lawa sakowasiegu; ‘Igu esaesa, ta debagu ‘ana to‐gilagata.

Nugana 15:1

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.

Salamo 27:1

Ieoba ‘igu ma‘edana ta ‘agu ‘etoseana; iaita ia da matautena? Ieoba iawasigu ‘ina waiwai; iaita manuna ia da ‘atesa‘ara?

Salamo 15:2

Tauna ‘i tautauia paruparu, ta bubuna paruparuna ‘i guiguinue, Ta ‘atenaia ‘i ona ‘ai‘aila.

Salamo 119:114

‘Oio ‘igu esena ‘ebekwaia ta ‘igu lawa: ‘Imu ona ‘ena ia nuaiaina.

Salamo 84:9

Eaubada ‘ima lawa ie, ‘u da ‘ita, Ta ‘imu ‘orooroina maninina ‘u da ‘ita.

Salamo 47:9

Tomota ‘idi ‘inapwanao si egogona Aberaamo ‘ina Eaubada ‘ina tomota: Bare‘u ‘ana lawaiao Eaubada ‘ina iage ta ‘enega; Tauna ‘i mia To ‘Etana sana.