Salamo 84:1 - Buki Tabu Lowaenei 1919

¹ ‘Imu anua‐tabenakele, ‘adi ‘ita bobo‘ana, Bodao ‘idi Ieoba ie!

Salamo 84:1 Referans Kwoze

Salamo 27:4

Iage ‘e bweuna Ieoba ‘ena ia sida, iage nina ia da ‘ebese: Be ‘enega Ieoba ‘ina anua ‘ena ia da miami iawasigu ‘ina asiata iauiauna, Sabi ‘ita Ieoba ‘ana ‘ita bobo‘ana, ta sabi eonaona ‘ina anua ‘enaia.

Salamo 43:3

‘Imu ma‘edana ta ‘imu ona‘ai‘aila ‘u da etunenama; taudi si da nuganegu; Si da ‘au‘eweguma ‘imu ‘oea tabu ‘enaia, Ta ‘imu anua‐tabenakele ‘edia.

Salamo 36:8

Si da bobo‘ana wawasae ‘imu anua iapana ‘enega; Ta ‘u da enumedi ‘imu guausoara ‘adi boasi ununega.

Salamo 122:1

Ia guausoara ‘ena si eonegu, Ta da tauia Ieoba ‘ina anua ‘enaia.

Salamo 8:1

Ieoba ie, ‘ima ‘Inapwana, ‘Amu esana ‘i bobo‘ai‘ailina bare‘u maibo‘ana ‘enaia! Tauio ‘imu esaesa ni‘atu ‘u sa‘u tu ‘e garewaia.

Salamo 132:5

Ga ‘e bweu esena Ieoba manuna ia da loba bemi, Tabenakele ‘e bweu Iakobo ‘ina To Ewaiwai Tebweuna manuna.

Salamo 81:1

Eaubada ‘idi waiwai ‘ena wa da wari toila: Guausoara ‘enana wa da iagei Iakobo ‘ina Eaubada ‘enaia.

Salamo 42:1

Nadigega kerei boasi daudaudi manudi ‘i eiawasipelapela, Nadigega iaruiaruagu ‘i eiawasipelapela manuio, Eaubada ie.