Salamo 83:18 - Buki Tabu Lowaenei 1919

¹⁸ Be ‘enega si da mwaratoni ‘aene tebweuio, ‘amu esana IEOBA, To Lo‘etana Sana bare‘u maibo‘ana debanaia. ‘Oio.

Salamo 83:18 Referans Kwoze

Si Apwesa 6:3

ta ia apwesa Aberaamo ‘ena, Isaako ‘ena, ta Iakobo ‘ena, Eaubada Toewaiwaisana nadigega, ta ‘agu esana Ieoba ‘enega nigea si mwaratonigu.

Salamo 59:13

Gamwasoarega ‘u da loegumwaridi, ‘u da loegumwaridi, be ‘enega gea‘abo wate si da miami: Ta ‘u da e‘itadi ‘aene Eaubada ‘i loina Iakobo ‘ena, Ga bare‘u ‘ina ‘ebelosaroniao. (Sela).

Salamo 97:9

‘Oio Ieoba, ‘oio to lo‘etana sana gabura maibo‘ana ‘enaia: ‘Oio ‘u miatu‘e wawasae eaubadao iauiaudi ‘edia.

Isaia 42:8

‘Abo‘agu Ieoba; gote ‘agu esana: ta ‘igu esaesa gea‘abo wate ‘e bweu ‘ena ia da ‘ebwaea, nai ‘agu tuputupu tokwarui daiadaiagidi ‘edia.

Isaia 54:5

‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.

Salamo 92:8

Ta ‘oio, Ieoba ie, ‘u mia tu‘e ataia.

Salamo 9:2

Ia da guausoara ta ia da uiawana manuio: Ia da wari tuputupu ‘amu esana ‘ena, ‘Oio To Etanasana.

Salamo 9:16

Ieoba ni‘atu ‘i e‘ita‘ena tauna, ni‘atu loina ‘i iagena: To to‘umalina tauna nimana ‘idi guinuao si sikwena. (Higaiona. Sela.)

Nugana 22:14

Ta Aberaamo esena gote ‘i eesena Ieobaire: na‘ieana si gwae ga batua, Ieoba ‘oeana ‘ena si da ‘itena.

Isaia 5:16

Ta bodao ‘idi Ieoba ‘i mia tu‘e loina ‘enega, ta Eaubada tauna Tabu Tebweuna ‘i etabuna bubuna paruparu ‘enega.

Salamo 18:13

Ieoba wate ‘i weparara garewaia, Ta To Etana Sana ‘enanega ‘i bwau; ‘Usana‐gurewa ta awe kebwanigisina.

Salamo 35:4

Taudi iaruiaruagu si ‘ebe‘ebese ‘u da tagwaredi be si da omaiamaia ta tomota si da sinaridi: Taudi ‘agu ‘abieama si wasegigiena si da sana‘ila ta si da ‘atesa‘ara.