Salamo 82:1 - Buki Tabu Lowaenei 1919

¹ Eaubada ‘i tooro Eaubada ‘ina deriegogona ‘enaia; ‘I etara eaubadao gamwagamwanidia.

Salamo 82:1 Referans Kwoze

Isaia 3:13

Ieoba ‘i tooro sabi onaona, ta ‘i tooro be tomota ‘i loinedi.

Salamo 58:11

Ta ‘enega tai si da gwae, Ona ‘ai‘aila to bubu paruparuna ‘ana e‘isa ‘i miami: Ona ‘ai‘aila Eaubada ‘i miami tauna ‘i loina bare‘uia.

Salamo 138:1

‘Ategu maibo‘anega ia da lokagutoki ‘emuia: Eaubadao matadia tuputupu ia da wari ‘emuia.

Si Apwesa 22:28

Gea‘abo Eaubada ‘u da ‘awato‘umaliena, nai ‘imu tomota ‘idi to loina ‘u da eliena.

Si Apwesa 21:6

Ga ‘ina ‘inapwana ‘i da me‘ena Eaubada ‘enaia, ta ‘auboda ‘ena ‘i da me‘ena, nai ‘auboda ‘ana ‘ora ‘enaia; ta ‘ina ‘inapwana tenana ‘i da ‘etobwarena ‘ebe‘etobwarenega; ta ‘ena ‘i da guinua ‘ataia.

Si Apwesa 18:21

Wate tomota iauiaudi ‘ediega tai waiwaidi ‘u da ‘esinuedi, taudi Eaubada si matautena, ona ‘ai‘aila ‘ina tai, ‘ewa nigea paruparuna si da guitoasa; ta nadigega ‘etanidia ‘u da sa‘udi, be tausana ‘adi to‐loinao, anaredi ‘adi to‐loinao, pipiti ‘adi to‐loinao, teni ‘adi to‐loinao:

Salamo 50:1

Eaubada, tuga Eaubada, Ieoba, ni‘atu ‘i ona, Ta bare‘u ‘i bwauiena sinara ‘ina tu‘ema ‘enega ga ‘ina mwa‘uta ‘enaia.

Salamo 58:2

Tamo, ‘atemi ‘ena to‘umalina wa guinuena; Nimami ‘idi didiga wa ‘etopwapwana bare‘u ‘enaia.