Salamo 77:2 - Buki Tabu Lowaenei 1919

² ‘Igu loniu ‘ina asiata ‘enega ‘Inapwana ia ‘ebese: Nimagu ‘i mia iasitoto boiboia, ta nigea ‘i kokokoma; Iaruiaruagu geanuana si da gieguausoarina.

Salamo 77:2 Referans Kwoze

Salamo 50:15

Asiata ‘ate‘uia‘uia ‘eguia ‘u da bwau; Ia da ‘etoseemu, ta ‘u da ‘awaeseesegu.

Nugana 37:35

Ta natunao me‘olotodi iauiaudi ta natunao mewainedi iauiaudi si tooro sabi gienuabobo‘anena; ta nuabobo‘ana geanuana; ta ‘i gwae, ‘Ari‘ari ‘ena ia da tauia ta ‘enega natugu ‘enaia ma‘igu dedoi. Ta tamana ‘i dedoi manuna.

Isaia 26:9

Iaruiaruagu ‘enega ‘oio ia nuanuana boiboi; tamo, iaruiaruagu soraguia ‘enega ia da ‘ebesa maniniemu: ‘ena ‘imu loina bare‘uia si miami ta ‘enega, gabura ‘ana tomi bubuna paruparu si nonona.

Isaia 26:16

Ieoba, ‘ebeloniu ‘enega si iamwaiamwaio, sidasida si siwa ‘ena ‘imu ‘ebesapi ‘i apwesa ‘edia.

Salamo 86:7

Asiata ia ‘elo‘uia ‘emuia ia da bwau; ‘Eguia ‘u da onalimana ta ‘enega.

Salamo 63:6

‘Ena ia nua‘i‘isio ‘igu ‘ebe‘eno ‘enaia, Ta manuio ia nuanua boiboi tomwanao ‘edia.

Salamo 18:6

‘Igu ‘ate‘uia‘uia ‘enega ia bwau Ieoba ‘enaia, Ta ‘igu Eaubada ‘ena ia bwau: ‘Ina anua‐tabuiega ‘enagu ‘i nonona, Ta ‘igu bwau matanaia tenana ‘ena ‘i rugu.

Nugana 32:28

Ta ‘i ona, ‘Amu esana gea‘abo si ‘inanena ‘aene Iakobo, ta Iseraela: Eaubada ma‘ieana ta tomota ma‘edi wa e‘upwa ta ‘enega, ta ‘u ewaiwai.

Salamo 55:17

Asunuanuaia ta, gonagonaia be, asuoreoreia be, ia da onaona, ta ia da esidasida: Ta ‘enagu ‘i da nonona.