Salamo 73:26 - Buki Tabu Lowaenei 1919

²⁶ Esiogu ta ‘ategu si tabataba: Ta Eaubada tauna ‘ategu ‘ina, gurewa ta ‘agu ‘egu‘eguiai ‘ataia.

Salamo 73:26 Referans Kwoze

Salamo 138:3

Asiata ‘ena ia bwau ‘eguia ‘u onalimana, Waiwaiega ‘u lemegu iaruiaruagu ‘enaia.

Salamo 18:2

Ieoba ‘igu gurewa, ta ‘igu anua‐waiwai, ta ‘igu to‘etoseana; ‘Igu Eaubada, ‘igu gurewa waiwai, ‘ena ia da ‘emisa; ‘Igu lawa, ta ‘igu ‘etoseana kunana, ‘igu anua‐‘ebe‘ita‘i‘ita ‘etosorana.

Salamo 84:2

Iaruiaruagu ‘i nuanuana, tamo, ‘i eiawasipelapela tuga Ieoba ‘ina ‘ari gamwanaia manuna; ‘Ategu ta esiogu si bwau Eaubada maiawasina ‘enaia.

Salamo 63:1

Eaubada ie, ‘oio ‘igu Eaubada; ia da ‘ebesa waiwaiieio: Iaruiaruagu tona‘ana ‘i iapasa manuio, esiogu ‘i iarakwaia manuio. ‘Asa iadaiadana ta neneta ‘enaia, ‘ena boasi nigea ‘i miami.

Salamo 142:5

Ieoba ie, ‘emuia ia bwau; Ia gwae, ‘Oio ‘igu ‘ebedena, ‘Agu ‘egu‘eguiai maiawasidi ‘idi ‘asa ‘enaia,

Salamo 27:14

Ieoba ‘ena ‘u da iamwaiamwa: ‘U da pa‘ara, be ‘ateio ‘i da nuanua waiwai; Tamo, Ieoba ‘ena ‘u da iamwaiamwana.

Salamo 119:57

Ieoba tauna ‘agu ‘egu‘eguia: Ni‘atu ia gwae ‘aene ‘imu ona ia da ‘ita‘i‘isidi.

Salamo 40:12

To‘umalinao ta sawaiogenedi si mia‘oabu‘oabuiegu ta ‘enega, ‘Igu bubuna bokobokodi ni‘atu si ‘ewegu, ta ‘enega nigea ia ewaiwai be ia ‘ita tu‘e; Debagu uiauiana ‘adi iau si pilisinena, ta ‘ategu ni‘atu ‘i e‘idi‘ediegu.