Salamo 71:21 - Buki Tabu Lowaenei 1919

²¹ ‘Igu sinabwa ‘u da gisinabwa‘ena, Ta ‘u da sana‘ilama be ‘u da gieguausoaregu.

Salamo 71:21 Referans Kwoze

Salamo 86:17

We‘iwe‘iiaia bobo‘ana manuna ‘u da e‘ita ‘eguia; Be ‘enega taudi si guitoasegu, si da ‘itena, ta si da omaiamaia, ‘Oio, Ieoba, ni‘atu ‘u lemegu, ta ‘u gieguausoarigu ta ‘enega.

Salamo 23:4

Tamo, ‘abo mwawasa iauiaukwina ‘ina sa‘ara ia rubwarena, Gea‘abo ‘e bweu to‘umalina ia da matamataute; ‘oio ma‘ieagu ta ‘enega: ‘Imu guna ta ‘imu keweliwelili, taudi si gieguausoarigu.

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Salamo 32:10

‘Ebe‘elo‘uia iauna si da apwesa to to‘umalidi ‘edia: Ta tauna Ieoba ‘ena i ‘emisa, ‘atenua‘ole‘ole ‘i da miasakowasiena.

Salamo 18:35

Wate ‘agu ‘etoseana ‘ana lawa ni‘atu u ‘ebwaegu: Ta ‘ataio ni‘atu ‘i gietoorogu, Ta ‘imu bubuna nuana ni‘atu ‘i giesinabwegu.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.

Salamo 72:11

Tamo, king iauiauna matanaia si da be‘u: ‘Ebeloina iauiaudi ‘ena si da guinua.