Salamo 71:12 - Buki Tabu Lowaenei 1919

¹² Eaubada ie, gea‘abo ‘eguiega ‘u miamia edasora: ‘Igu Eaubada ie, ‘u da lomanini be ‘u da lemegu.

Salamo 71:12 Referans Kwoze

Salamo 35:22

Ieoba ie, ni‘atu u ‘itena: gea‘abo ‘u enono; ‘Inapwana ie, gea‘abo ‘eguiega ‘u miami ‘edasora.

Salamo 70:5

Ta ‘abo‘agu gomabeso ta kakaegu; Eaubada ie, ‘u da lomaninima ‘eguia: ‘Oio ‘igu lema ta ‘agu to ‘etoseana; Ieoba ie, gea‘abo ‘u so‘iso‘i.

Salamo 22:11

Gea‘abo ‘u da mia ‘edasora ‘eguiega; elo‘uia serabenaia ta ‘enega; Nigea ‘e bweu ‘i da leme ta ‘enega.

Salamo 10:1

‘Ieoba ie, Toase manuna ‘u tooro ‘edasora? To‘ase manuna ‘U sa‘u kwaiemu tuta ‘elo‘uia ‘enega?

Salamo 143:7

Ieoba ie, ‘u da lomanini be ‘u da ona limana ‘eguia; iaruiaruagu ‘i abe ‘i mwamwawasa: Maniniio gea‘abo ‘u da e‘etokwaiena ‘eguiega; Nai ‘abo‘agu taudi si mwa‘umwa‘uta gaulaia nadigegami.

Salamo 69:18

Iaruiaruagu ‘ena ‘u da mai deinaia, ta ‘u da ‘ewa limena; ‘U da li‘amigu ‘agu tarauwarao manudi.

Salamo 40:13

Ieoba ie, ‘u da nuabobo‘ana be ‘u da ‘etoseegu: ‘U da lomanini be ‘u lemegu, Ieoba ie.

Salamo 22:19

Ta Ieoba Ie, gea‘abo ‘u da mia ‘edasora: ‘Oio ‘agu leme, ‘u da lomanini be ‘u da lemegu.