Salamo 7:6 - Buki Tabu Lowaenei 1919

⁶ ‘U da tooro, Ieoba ie, ‘imu gamwasoara ‘ena, ‘Agu tarauwarao ‘idi gamwasoara ‘edia ‘u da gietu‘eieio: Ta manugu ‘u da iaweiawe; ‘Oio loina ni‘atu ‘u oneone.

Salamo 7:6 Referans Kwoze

Salamo 44:23

‘U da losuiaeio, Inapwana ie! to‘ase manuna u ‘eno‘eno? ‘U da tooro, gea‘abo u ‘ula‘ula ataema.

Salamo 35:23

‘U da loniu, ta ‘agu loina ‘ena ‘u da tooro, Tugama ‘aregu ‘enaia, ‘igu Eaubada ta ‘igu ‘Inapwana.

Salamo 3:7

Ieoba ie, ‘u da tooro; ‘u da ‘etoseegu, ‘igu Eaubada ie: ‘Agu tarauwarao iauiaudi ni‘atu ‘u unudi ‘ase‘asedi luluna ‘enaia; To to‘umalidi saradi ni‘atu ‘u bwagena.

Isaia 33:10

Gete ‘enega ia da tooro, Ieoba ‘i gwae; gete ‘enega ia da tooro ‘ai‘aila; gete ‘enega ia da mia ‘etanaia.

Salamo 138:7

‘Abo ‘ebeloniu gamwagamwanaia ia lopilidadana, ‘u da giebobo‘ana limegu; Nimaio ‘u da iasitotona ‘agu tarauwarao ‘idi gamwasoara ‘enaia, Ta ‘ataio ‘i da ‘etoseegu.

Salamo 44:26

‘U da tooro ‘ama lema manuna, Ta ‘u da li‘amima ‘imu obobomanua‘ole‘ole manuna.

Isaia 51:9

‘U da tooro, ‘u da tooro, waiwai ‘u da ‘otena, Ieoba nimana ie; ‘u da tooro, ‘atua gimi asiatao ‘edia, gimi tutao ‘idi epata‐tomota. Nigea ‘oio nai tauna Raaba i ‘upwa tomwatomwa, tauna waregoa ‘i badi be ‘i sasa‘a?

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 3:13

Ieoba ‘i tooro sabi onaona, ta ‘i tooro be tomota ‘i loinedi.

Salamo 103:6

Ieoba guinua paruparudi ‘i bubudi, Ta loinao taudi iauiaudi si mia mwa‘uta manudi.

Salamo 78:65

Ga ‘Inapwana ‘i losuia‘ena ‘atua ‘e bweu ‘eno‘enoega, ‘Atua tai waiwai ‘i bwau oine manuna.

Salamo 74:3

‘Aeio ‘u da gilagasi saoora ataia ‘edia, To‘umalina iauiauna tarauwara ni‘atu ‘i guinuena anua tabu ‘enaia.

Salamo 73:20

‘Atua madawara ‘ena ‘e bweu ‘i tooro: Nadigega, Ieoba ie, ‘ena ‘u tooro, ma‘ama‘aiaudi ‘u da sinarina.

Salamo 59:5

Tuga ‘oio, Ieoba ie bodao ‘idi Eaubada, Iseraela ‘ina Eaubada, ‘U da tooro be ‘ebeloinao iauiaudi ‘edia ‘u da apwesa: To li‘oa‐loina to‘umalidi gea‘abo ‘e bweuna ‘edia ‘ena ‘u da ‘ate‘atenua‘ole‘ole. (Sela.)

Salamo 35:1

Ieoba ie, taudi ma‘eguao ‘a e‘upwa ma‘edi ‘u da e‘upwa: Taudi ‘eguia si losaia ‘edia ‘u da losaia.

Salamo 12:5

Gomabeso ‘idi ‘oae manuna, to sida ‘idi eiawasilagalaga manuna, Gete ‘enega ia da tooro, Ieoba ‘i gwae; Tauna ‘ena si mu‘enunu ‘ebebobo‘ana ‘ena ia da sa‘una.

Salamo 143:3

Tarauwara iaruiaruagu ‘i giedeededonina ta ‘enega; Iawasigu ni‘atu i ‘aumwa‘utena bare‘uia: ‘I loinegu be esena guguioi ‘edia ia miami, nadigega taudi ni‘aenei si mwawasa.