Salamo 65:2 - Buki Tabu Lowaenei 1919

² ‘Oio sidasida ‘u nonona, ‘Emuia esio maibo‘ana ‘i da mai.

Salamo 65:2 Referans Kwoze

Isaia 65:24

Ta gete ‘i da apwesa, ‘idi bwau nuganinaia, ia da onalimana, ta tuta ‘enega si onaona, ia da nono.

Isaia 66:23

Ta gete ‘i da apwesa, nawarae auauna ‘e bweuna ga ‘e ruena, ta sabate ‘e bweuna ga ‘e ruena, esio iauiauna si da mai sabi bwagobwago mataguia, Ieoba ‘i gwae.

Salamo 86:9

‘Inapwana ie, ‘ebeloina iauiaudi ni‘atu ‘u mweruruidi si da mai ta si da bwagobwago matamuia; Ta ‘amu esana si da ‘awaeseesei.

Salamo 66:19

Ta ona ‘ai‘aila Eaubada ni‘atu ‘i nono; ‘Igu sidasida ‘enana ni‘atu ‘ena ‘i sana‘ilama.

Salamo 66:4

Bare‘u maibo‘ana ‘i da bwagobwago ‘emuia, Ta ‘i da wari ‘emuia; ‘Amu esana ‘ena si da wari. (Sela.)

Salamo 102:17

Gomabeso ‘idi sidasida ‘i nuena, Ta ‘idi sidasida nigea ‘i sinarina.

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Salamo 22:27

Bare‘u ‘ana ‘ebelosaroni iauiauna si da nua‘i‘isi ta Ieoba ‘ena si da sana‘ila: Ta ‘asa ‘idi boda iauiauna matamuia si da bwagobwago.

Salamo 66:13

‘Imu anua ‘ena ia da rugu ma‘igu ‘ebwaeadaita gabugabuiao, ‘Igu ona‘upa‘upaiao ‘emuia ia da bubudi,

Salamo 116:14

‘Igu ona‘upa‘upa ia da ‘ebwaea Ieoba ‘enaia, Tamo, ‘ina tomota iauiaudi matadia.

Salamo 116:18

Ieoba ‘ena ‘igu ona‘upa‘upa ia da ‘ebwaea, Tamo, ‘ina tomota iauiaudi matadia;