9 Ta tai iauiauna si da matauta; Ta Eaubada ‘ina guinua si da simane, Ta ‘ina guinua manuna si da nuanua sinasinapu.
Ta wari auauna ‘awagu ‘ena ‘i sa‘una, tamo lotuputupu ‘ida Eaubada ‘enaia; Iauiaudi si da ‘itena, ta si da matauta, Ta Ieoba ‘ena si da ‘emisa.
Ta api ta biola, sinaa ta lololi, ta oine, ‘idi sagari ‘edia si miami: ta Ieoba ‘ina guinua nigea si ‘amaiabena, nai nimana ‘ina guinua si da nuena.
Ta ‘enega tai si da gwae, Ona ‘ai‘aila to bubu paruparuna ‘ana e‘isa ‘i miami: Ona ‘ai‘aila Eaubada ‘i miami tauna ‘i loina bare‘uia.
Iaruiaruagu i ‘ewearina ‘ina nuanuana sinabwana manuna ‘Imu etara ‘edia tuta iauiauna.
Si matauta sinabwana, ‘ena ‘ebematauta nigea ‘i miami: Tauna ‘i miabaula matamuia Eaubada luluna ‘i lelewanedi ta ‘enega; Ni‘atu ‘adi omaiamaia ‘u sa‘una, Eaubada ‘i e‘idi‘idiedi ta ‘enega.
Gamwasoarega ‘u da loegumwaridi, ‘u da loegumwaridi, be ‘enega gea‘abo wate si da miami: Ta ‘u da e‘itadi ‘aene Eaubada ‘i loina Iakobo ‘ena, Ga bare‘u ‘ina ‘ebelosaroniao. (Sela).
Kebwanigita ‘ara‘arasina si da be‘u debadia: Si da ‘uledi awe sabelulu ‘enaia; Gaula ni‘uni‘udi ‘edia, be gea‘abo si da tooro limana.