3 ‘Oio ni‘atu ‘ebedena manugu, Anua ‘etosorana pa‘arina tarauwara ‘enega.
‘Agu ‘etoseana ta ‘igu esaesa Eaubada ma‘ieana ta ‘enega: ‘Igu pa‘arina ‘ina gurewa, ta ‘igu ‘ebedena, Eaubada ‘enaia.
Eaubada ‘Inapwana ie, ‘agu ‘etoseana ‘ina pa‘ara, Asiata saia ‘enega debagu ‘u bodena.
‘Eguia ‘i nono‘i‘isi, Ta ‘enega ‘ena ia da bwau tuta dudurana ia miami ‘enega.
Ieoba ‘igu gurewa, ta ‘igu anua‐waiwai, ta ‘igu to‘etoseana; ‘Igu Eaubada, ‘igu gurewa waiwai, ‘ena ia da ‘emisa; ‘Igu lawa, ta ‘igu ‘etoseana kunana, ‘igu anua‐‘ebe‘ita‘i‘ita ‘etosorana.
Asiata ‘ebeloniu ‘enega ‘i da ‘egagara kwaiegu ‘ina anua‐‘ebe‘eiauiaukwa ‘enaia ta ‘enega: ‘Ina anua‐tabenakele ‘ina esena kwaia ‘ena ‘i da kwaiegu; ‘I da gilagasigu gurewa debanaia.