Salamo 57:5 - Buki Tabu Lowaenei 1919

⁵ Eaubada ie, ‘u da miatu‘e garewa ‘etanaia; ‘Imu esaesa ‘i da ‘ebare‘u maibo‘ana ‘etanaia.

Salamo 57:5 Referans Kwoze

Isaia 6:3

Ta ‘e bweuna ‘i bwau ‘e bweuna ‘enaia, ta ‘i gwae, Tabu, tabu, tabu, bodao ‘idi Ieoba: gabura maibo‘ana ‘i maa ‘ina eseesega.

Salamo 72:19

Ta ‘ana esana esaesa ta da tupuna ataia; Ta bare‘u maibo‘ana ‘i da maa ‘ina esaesa ‘enega. Emeni ta Emeni.

Salamo 57:11

Eaubada ie, ‘u da miatu‘e garewa ‘etanaia; ‘Imu esaesa ‘i da ‘ebare‘u maibo‘ana ‘etanaia.

Salamo 148:13

Ieoba ‘ana esana si da tupuna; Tebweuna ‘ana esana ‘i mia tu‘e ta ‘enega: ‘Ina esaesa bare‘u ta garewa ‘i tu‘esinedi.

Salamo 8:1

Ieoba ie, ‘ima ‘Inapwana, ‘Amu esana ‘i bobo‘ai‘ailina bare‘u maibo‘ana ‘enaia! Tauio ‘imu esaesa ni‘atu ‘u sa‘u tu ‘e garewaia.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 12:4

Ta asiata gote ‘enega wa da gwae, Ieoba ‘ena wa da ‘awabobo‘ana, ‘ana esana ‘ena wa da bwau, ‘ina guinuao wa da simanedi tomota gamwagamwanidia, wa da ‘inana ‘aene ‘ana esana ‘i miatu‘e.

Isaia 2:17

Ta tai ‘ina miatu‘e ‘i da mia‘opu‘opu, ta tai ‘idi gagasa ‘i da miamwa‘uta: ta Ieoba tebweuna ‘i da miatu‘e asiata gote ‘enega.

Salamo 21:13

Ieoba ie ‘u da miatu‘e, ‘imu waiwai ‘ena: Ta ‘enega ‘imu waiwai ‘a da warie ta ‘a da tupuie.

Salamo 59:8

Ta ‘oio, Ieoba ie, ‘u da edagiedi; ‘Ebeloinao iauiaudi ‘adi tuietuiea ‘u da sa‘u.

Salamo 64:4

Be ‘enega to bobo‘ai‘ailina si da ‘ula ‘enaia esena kwaia ‘edia: Si ‘ula manini ‘enaia, ta nigea si matamatauta.