Salamo 57:2 - Buki Tabu Lowaenei 1919

² Ia da bwau Eaubada To ‘Etana Sana ‘enaia; Eaubada ‘ena tauna iage iauiauna ‘i bubudi manugu.

Salamo 57:2 Referans Kwoze

Salamo 138:8

Iage manugu Ieoba ‘i da giebobo‘ai‘ailina: Ieoba ie, ‘imu nua‘ole‘ole ‘i mia ‘ataia; Nimaio tauio ‘idi guinuao gea‘abo ‘u da e‘idi‘idiedi.

Isaia 26:12

Ieoba, guguia ‘u da loinei manuma: ‘oio ‘imu guinua iauiauna wate ni‘atu ‘u bubudi manuma.

Isaia 57:15

Tebweuna to mia tu‘e ta to lo‘etana tauna tuta ‘ataia ‘ena ‘i miami, tauna ‘ana esana Tabu, gete nadigega ‘i gwae: ‘abo‘agu esena lo‘etana ta tabu ‘ena ia miami, wate tauna iaruiaruana nua‘ebuni ta nuana ma‘ieana, be taudi si nuana iaruiaruadi ia da giewaiwai, ta taudi si nua‘ebuni ‘atedi ia da giewaiwai.

Salamo 56:2

‘Agu tarauwarao ‘aene si da tonegu asiata maibo‘anega: Taudi si losaia gagasa ‘eguia si iau‘ena‘ina ta ‘enega.

Salamo 17:8

‘U da ‘ita‘i‘isigu mata‐poupou ‘atua, Papemuao iauiaukwidi ‘agarauninaia ‘u da kwaiegu,

Salamo 41:5

‘Agu tarauwarao to‘umalina si oneone manugu, si gwaegwae, Maisa nai ‘i da mwawasa, ta ‘ana esana ‘i da saoora?

Salamo 143:9

Ieoba ie, ‘u da ‘etoseegu ‘agu tarauwarao ‘ediega: ‘Emuia ia dena sabi ‘akwaiegu.

Isaia 26:20

‘Igu tomota, wa da mai, ‘imu anuao ‘edia ‘u da rugu, ta ‘imu ‘auboda ‘u da gibodedi deimuia: ‘u da ‘akwaiemu ga tuta tomwana gidarina, be gamwasoara ‘i da gumwara bemi.