Salamo 55:3 - Buki Tabu Lowaenei 1919

³ Tarauwara ‘enana manuna, To to‘umalidi ‘idi mwaumwau manuna; Bubuna bokobokona si ‘ulena ‘eguia ta ‘enega, Ta gamwasoara ‘enega si e‘atemutuiegu.

Salamo 55:3 Referans Kwoze

Salamo 35:11

Tosimana ‘idi bubuna nigea paruparuna si tooro; Iage nigea ia mwaratoni ‘eguia si eona.

Salamo 27:12

‘Agu tarauwarao ‘idi nuena gea‘abo ‘ena ‘u da tagwatagwaregu; To simana kabokabo si tooro mataguia, ta taudi ‘ebe‘elo‘uia si mu‘eununa.

Salamo 73:8

Si tuietuiea, ta bubuna to‘umalina ‘enega didiga si ‘ina‘inana: Si onaona ‘etanega.

Salamo 71:11

Si gwae, Eaubada ni‘atu ‘i e‘idi‘idiena: Wa da pili murinega be wa da ‘ewena; nigea ‘e bweu be ‘i da ‘etoseena ta ‘enega.

Salamo 54:3

To‘u‘umara si tooro mataguia ta ‘enega, Ta tai didiga iaruiaruagu si ‘ebe‘ebese: Eaubada nigea si sa‘usa‘u matadia. (Sela.)

Salamo 17:9

To to‘umalidi si ‘oaegu ‘ediega, ‘Agu tarauwarao to unua, taudi si ‘oabu‘oabuiegu.

Salamo 12:5

Gomabeso ‘idi ‘oae manuna, to sida ‘idi eiawasilagalaga manuna, Gete ‘enega ia da tooro, Ieoba ‘i gwae; Tauna ‘ena si mu‘enunu ‘ebebobo‘ana ‘ena ia da sa‘una.