Salamo 51:12 - Buki Tabu Lowaenei 1919

¹² ‘Imu ‘etoseana ‘ina guausoara ‘eguia ‘u da ‘ebwaea limane: Ta iaruiarua tagwatagwarina ‘enega ‘u da gietoorogu.

Salamo 51:12 Referans Kwoze

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Salamo 13:5

Ta ‘imu ‘atenua‘ole‘ole ‘ena ia ‘emisa; ‘Ategu ‘i da guausoara ‘imu ‘etoseana ‘enaia;

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Salamo 35:9

Ta iaruiaruagu ‘i da guausoara Ieoba ‘enaia: ‘I da guausoara ‘ana ‘etoseana ‘enaia.

Salamo 119:133

‘Aegu ‘idi sa‘ulaga ‘u da giepa‘ari ‘imu ona ‘enaia; Ta gea‘abo ‘e bweu bubuna bokobokona ‘eguia ‘i da loiloina.

Salamo 21:1

King ‘i da guausoara ‘imu waiwai ‘ena, Ieoba ie; Ta ‘imu ‘etoseana ‘ena ‘i da uiawana sinabwana!

Salamo 19:13

Loegesi oopa‘ara wate ‘imu ‘ari‘ei ‘ediega ‘u da giiaina; Gea‘abo ‘eguia si da loiloina; ga ia da bobo‘ai‘ailina, Ta li‘oaloina sinabwana ‘enega ia da eli‘amigu.

Salamo 17:5

‘Igu tautauia ‘imu ‘eda ‘edia si miaiaina, ‘Aegu nigea si da mamaiadila.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Salamo 24:4

Tauna nimana nigea bailamo, ta ‘atena i ‘esasena; Tauna iaruiaruana nigea ‘i gilagasina gagasa ‘enaia, Ta nigea ‘i ona‘upa‘upa kabokabo.