Salamo 50:2 - Buki Tabu Lowaenei 1919

² Siona ‘enega, ‘ana ‘ita bobo‘ana maibo‘anega, Eaubada ni‘atu ‘i saema.

Salamo 50:2 Referans Kwoze

Salamo 80:1

Iseraela ‘ina To‐‘ita‘i‘ita‐sipi ie, ‘O io Iosepa u ‘au‘ewena sipi ‘ana iau ‘atua; ‘O io tierubima ‘edia ‘u toa, ‘u da saema.

Salamo 48:2

‘Ina miatu‘e ‘ana ‘ita bobo‘ana, bare‘u maiboana ‘ina ‘ebeguausoara, Tauna ‘oea Siona, iaarata deinao ‘edia, King sinabwana ‘ina ‘asa esaesa.

Isaia 12:6

Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Salamo 94:1

Ieoba ie, ‘Oio Eaubada e‘isa ‘imu iage, ‘Oio Eaubada e‘isa ‘imu iage, ‘u da saema.

Isaia 26:21

Wa ‘ita, ta ‘enega, Ieoba ‘ina esenega ‘i apwesama be to mia bare‘u ‘i da unudi ‘idi bubuna bokobokona manuna: bare‘u wate ‘ina rara ‘i da giapwesei, ta gea‘abo wate ‘ina toesilae ‘i da bodedi.

Salamo 80:17

Nimaio ‘i da miami ‘ataio ‘ana tai ‘enaia, Tai natuna ‘enaia tauna ‘u giepa‘ara manuio tauio.

Salamo 68:24

Eaubada ie, ‘imu tautauia ni‘atu si ‘itedi, Tugama ‘igu Eaubada ‘ina tautauia, ‘Igu King, anua tabu ‘enaia.

Salamo 48:3

Eaubada ‘i giapwesena ‘ina anua esaesa ‘edia ‘ebedena manuna.

Salamo 80:2

Eparaima be, Beniamina be, Manase be matadia, ‘imu waiwai ‘u da giniuiena, Ta ‘u da mai be ‘u da ‘etoseema.