Salamo 5:12 - Buki Tabu Lowaenei 1919

¹² To paruparudi ‘u da onaobobomedi ta ‘enega: Ieoba ie, ‘u da miasakowasiena nua‐bobo‘anega ‘atua lawa ‘enega.

Salamo 5:12 Referans Kwoze

Salamo 84:11

Ieoba Eaubada Tauna sinara ta lawa ta ‘enega: Ieoba nua‘ole‘ole ta esaesa ‘i da ‘ebwaea: Taudi si tauia ‘ai‘aila gea‘abo ‘e bweu iage bobo‘ana ‘ediega ‘i da egagare.

Salamo 32:10

‘Ebe‘elo‘uia iauna si da apwesa to to‘umalidi ‘edia: Ta tauna Ieoba ‘ena i ‘emisa, ‘atenua‘ole‘ole ‘i da miasakowasiena.

Salamo 115:13

Taudi Ieoba si matautena ‘i da onaobobomedi, Me gidaridi ta me sinabwadi ruarua.

Salamo 112:1

Ieoba wa da tupuna. Tauna Ieoba ‘i matautena tauna ‘i bobo‘ana, Tauna ‘ina ona manudi ‘i guausoara sinabwana.

Salamo 32:7

‘Oio ‘igu esena ‘ebemiakwaia; ‘ate‘uia‘uia ‘enega ‘u da egagaregu; ‘Etoseana ‘ana wari ‘ediega ‘u da giesakowasiegu. (Sela.)

Salamo 29:11

Ieoba waiwai ‘i da ‘ebwaea ‘ina tomota ‘edia; Ieoba tomota ‘i da obobomedi guguiega.

Salamo 3:3

Ta ‘oio, Ieoba ie, ‘u lawa sakowasiegu; ‘Igu esaesa, ta debagu ‘ana to‐gilagata.

Salamo 3:8

‘Etoseana Ieoba ‘ina iage: ‘Imu ona‐oboboma ‘imu tomota ‘edia ‘i da miami. (Sela.)

Salamo 68:4

Eaubada ‘ena wa da wari, tuputupu wa da wari ‘ana esana ‘enaia: ‘Eda ‘ai‘aila wa da bubu tu‘e tauna ‘i gerugeru ta esena kaukaudaisinamo ‘i rubwaredi; ‘Ana esana Iaa; ta matanaia wa da uiawana.

Salamo 118:15

Guausoara ta ‘etoseana ‘enadi to paruparu ‘idi anuao ‘edia ‘i miami: Ieoba ‘ataina ‘i guinua waiwai.

Salamo 119:132

‘Eguia ‘u da sana‘ilama, ta ‘u da ‘atenua‘ole‘oleiegu, Nadigega ‘imu bubuna lowa taudi ‘amu esana si obobomena ‘edia.