Salamo 5:11 - Buki Tabu Lowaenei 1919

¹¹ Ta iauiaudi ‘emuia si ‘emisa si da guausoara, Guausoara manuna si da bwau ataia, ‘u lemedi ta ‘enega: Taudi wate ‘amu esana si obobomena si da guausoara ‘emuia.

Salamo 5:11 Referans Kwoze

Salamo 68:3

Ta to paruparuna si da guausoara; si da uiawana Eaubada matanaia: Tamo, si da ‘eguausoara uiwanega.

Salamo 40:16

Iauiaudi si ‘ebeseio si da guausoara be si da ‘uiawana ‘emuia; Taudi ‘imu ‘etoseana si nuanuana si da ona tuta iauna, Ieoba ta da ‘awasinabwae.

Salamo 2:12

Natuna me‘olotona wa da ‘awamuina, ‘abona nai ‘i gamwasoara, ta ‘edega wa saoora, ‘Ina gamwasoara ‘i abe i ‘arata ta ‘enega. Taudi ‘ena si ‘emisa si bobo‘ana.

Salamo 69:36

‘Ina ‘ari‘eiao tubudi wate si da ‘ewena ‘adi ‘egu‘eguia; Ta taudi ‘ana esana si obobomena ‘ena si da miami.

Salamo 65:13

Neduiao si maa iobai ‘ediega; Sa‘arao wate si ‘emiabodena witiega; Si bwau eguausoara manuna, wate si wari.

Salamo 35:27

Taudi ‘igu bubuna paruparuna manuna si eguausoara, si da bwau ‘eguausoara manuna, ta si da uiawana: Tamo, si da onaona tuta iauiauna, Ieoba ta da ‘awasinabwa, Tauna ‘i eguausoara ‘ina toguinua ‘ina mia bobo‘ana manuna.

Salamo 58:10

To bubu paruparuna ‘i da guausoara ‘ena e‘isa i ‘itena: ‘Aena ‘i da ‘utudi to to‘umalidi raradi ‘enaia.