Salamo 46:5 - Buki Tabu Lowaenei 1919

⁵ Eaubada gamwagamwanaia; gea‘abo ‘i da loniu: Eaubada ‘i da lemena, tomwa ‘uli‘ulitaia.

Salamo 46:5 Referans Kwoze

Isaia 12:6

Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Salamo 62:2

Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu sinabwana.

Salamo 112:6

Tauna gea‘abo ‘i da loniu ‘enega; To paruparuiao ‘adi nua‘i‘isi gea‘abo ‘i da gumwara.

Salamo 62:6

Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu.

Salamo 37:40

Ta Ieoba ‘i lemedi, ta i ‘etoseedi; To to‘umalidi ‘ediega ‘i da lisi‘iledima, ta i ‘etoseedi, ‘Ena si pililobodaboda ta ‘enega.

Salamo 30:5

‘Ina gamwasoara tuta matana ‘e bweuna tugama; Iawasida ‘ina nuabobo‘ana ‘enaia: Dedoi ‘i da miami nai boiboi ‘enega, Ta guausoara ‘i da mai gonagonaia.

Salamo 143:8

‘U da loinegu be ‘imu oboboma‐nua‘ole‘ole ia da nonona gonagonaia; ‘Emuia ia ‘emisa ta ‘enega: ‘U da loinegu be ‘eda ‘enega ia da tauia ia da mwaratonina; Iaruiaruaguiega ia ‘ita tu‘e ‘emuia ta ‘enega.

Salamo 125:1

Taudi Ieoba ‘ena si ‘emisa Taudi ‘oea Siona ‘atua, tauna nigea kapekapeana ‘i loniu, ta ‘i mia ‘ataia.

Salamo 68:18

Ni‘atu ‘u tu‘e tabwanaia, ‘ebeiona ni‘atu u ‘au‘ewa ioniionina; Ni‘atu ‘ebwaeadaita u ‘ewedi tai gamwagamwanidia, Tamo, to loguitoasa wate ‘edia, be ‘enega Ieoba Eaubada ‘edia ‘i da miami.

Si Apwesa 14:27

Ta Mose nimana ‘i iasitotona ora debanaia, ta ‘ena gonagona ‘i apwesa ga ora i ‘ila ‘ina waiwai ‘enaia; ta me Aigupito si denadena matanaia; ta Ieoba me Aigupito i ‘ula mwa‘utedi ora gamwanaia.

Si Apwesa 14:24

Ta ‘ita‘i‘ita ‘ana tuta gonagonaia gete ‘i apwesa, Ieoba ‘ora‐awe ta ‘orapoana ‘ediega Aigupito ‘ina boda ‘edia i ‘ita apwesa, ga me Aigupito ‘idi boda ‘i gie‘ate‐sa‘aridi.