Salamo 42:9 - Buki Tabu Lowaenei 1919

⁹ Ia da ona Eaubada ‘igu gurewa ‘enaia, To‘ase manuna ‘u nuapupuregu? To‘ase manuna ia lopilidadana ma‘igu dedoi tarauwara ‘ina didiga manuna?

Salamo 42:9 Referans Kwoze

Salamo 38:6

Ia ‘elo‘uia ta ia kopukopu sinabwana; Asiata maibo‘ana ia dedoi.

Salamo 43:2

‘Oio ‘igu waiwai ‘ina Eaubada; to‘ase manuna ‘u e‘idi‘idiegu? To‘ase manuna ia lopilidadana ma‘igu dedoi tarauwara ‘ina didiga manuna?

Salamo 18:2

Ieoba ‘igu gurewa, ta ‘igu anua‐waiwai, ta ‘igu to‘etoseana; ‘Igu Eaubada, ‘igu gurewa waiwai, ‘ena ia da ‘emisa; ‘Igu lawa, ta ‘igu ‘etoseana kunana, ‘igu anua‐‘ebe‘ita‘i‘ita ‘etosorana.

Isaia 40:27

Toase manuna ‘u ona, Iakobo ie, ta ‘u gwae, Iseraela ie, ‘Igu ‘eda ‘i mia kwaia Ieoba ‘enega, ta ‘igu etara ‘i sawara ‘igu Eaubada ‘enega?

Salamo 62:2

Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu sinabwana.

Salamo 28:1

‘Emuia, Ieoba ie, ia da bwau; ‘Igu gurewa, gea‘abo ‘u da ‘etenatui ‘eguia: Nai, ‘abo ‘eguia nigea ‘u da onaonalimana, Ga ia da nadigega taudi si mwa‘uta gaulaia.

Isaia 49:15

Waine natuna ‘i esusu ‘i da nuapupura nai, be ‘enega gamwana natuna nigea ‘i da ‘atenua‘ole‘oleiei? Tamo, getedi si da nuapupura nai, ta ‘abo‘agu gea‘abo ia da nuapupureio.

Salamo 88:9

Matagu ‘i ia‘ara dedoi manuna: Asiata iauna ‘emuia ia bwaubwau, Ieoba ie, ‘Emuia nimagu ia gilagasina.

Salamo 78:35

Ta si nua‘i‘isina ‘aene Eaubada ‘idi gurewa, Ta Eaubada To Lo‘Etana ‘adi to ‘au‘ewa lima.

Salamo 77:9

Eaubada ni‘atu nua‘ole‘ole ‘i nuapupurena? ‘Ina nua‘ole‘ole nuadi ni‘atu nai ‘i gibodedi gamwasoarega? (Sela.)

Salamo 55:3

Tarauwara ‘enana manuna, To to‘umalidi ‘idi mwaumwau manuna; Bubuna bokobokona si ‘ulena ‘eguia ta ‘enega, Ta gamwasoara ‘enega si e‘atemutuiegu.

Salamo 13:1

Ieoba ie, Tuta eisa ‘u da nuapupuregu ataia? Tuta eisa maninio ‘u da e‘etokwaiina ‘eguiega?

Salamo 92:3

Binobino‘o ma‘ana nosanosa ‘e sanau ‘enega, ta api ‘enega; ‘Enana mwaumwau api ‘ena ‘enega,