Salamo 40:5 - Buki Tabu Lowaenei 1919

⁵ Ieoba ie ‘igu Eaubada, guinua to sinabwa sadi ni‘atu ‘u guinuedi si iau‘ena‘ina, Ta ‘imu nuanuaiao manuma: Nigea kapekapeana ‘a da sau‘ai‘ailidi ‘emuia; ‘Abo manudi ia simana ta ia ona, Si iauwawasae ta nigea kapekapeana ia da sawedi.

Salamo 40:5 Referans Kwoze

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Salamo 71:15

‘Awagu ‘imu bubuna paruparuna ‘i da simane, Wate ‘imu ‘etoseana asiata maibo‘anega; ‘Ana sawa nigea ia mwaratoni ta ‘enega.

Salamo 92:5

Ieoba ie, ‘imu guinuao to sinabwa sadi! ‘Imu nuanua si ni‘u wawasae.

Salamo 136:4

Tauna tebweuna ‘ebenuaowana sinabwadi ‘i guinuedi ‘enaia: ‘Ina nua‘ole‘ole ‘i mia ‘ataia ta ‘enega.

Salamo 139:6

Sinasinapu nadigega ‘ebenuaowana wawasae ‘eguia; ‘I mia tu‘e, nigea kapekapeana ‘ena ia tu‘e.

Si Apwesa 11:8

Ta ‘imu toguinua iauiaudi getedi si da mwa‘utama ‘eguia, ta ‘eguia si da kopukopu, si da gwae, ‘U da apwesa, be tomota iauiauna si muriemu: ta muriega ia da apwesa. Ta Parao ‘enega ‘i apwesa gamwasoara iaiiaiega.

Salamo 73:28

Ta ‘i bobo‘ana ‘eguia be ia da doro Eaubada deinaia: ‘Abo‘agu ‘Inapwana Eaubada ‘igu ‘ebedena, Be ‘enega ‘imu guinua iauiaudi ia da simanedi.