Salamo 36:7 - Buki Tabu Lowaenei 1919

⁷ Eaubada ie, ‘imu obobomanua‘ole‘ole ‘i bobo‘ai‘ailina! Ta tomota natudiao si denakwaia papemuao iauiaukwidi ‘agaraunaia.

Salamo 36:7 Referans Kwoze

Salamo 86:5

‘Oio ta ‘enega, ‘Inapwana, ‘u bobo‘ana, ta to‘umalina ‘u kweu manini, Ta iauiaudi ‘emuia si bwau ‘edia ‘u nua‘ole‘ole sinabwana.

Salamo 91:4

Dagurinega ‘i da tara‘apwariio Ta papena ‘agaraudia ‘u da dena; ‘Ina ona‘ai‘aila lawa ta lobodaboda.

Ruta 2:12

Ieoba ‘imu guinua ‘i da e‘isa, ta tamapu ‘ai‘aila Ieoba, Iseraela ‘ina Eaubada, ‘i da ‘ebwaemu, tauna papena ‘edia ‘u mai sabi mia iauiaukwaia.

Salamo 139:17

Eaubada ie, ‘imu nuana wate bobo‘ai‘ailidi ‘eguia! ‘Adi iau to sinabwasana!

Salamo 31:19

‘Imu bubuna bobo‘ana tosinabwa sana tauna ‘u sa‘una taudi si matautemu manudi, Tauna ‘u bubuna taudi ‘emuia si ‘emisa manudi, tomota natunao matadia!

Salamo 17:8

‘U da ‘ita‘i‘isigu mata‐poupou ‘atua, Papemuao iauiaukwidi ‘agarauninaia ‘u da kwaiegu,

Si Apwesa 34:6

Ta Ieoba ‘i sakowasi matanaia, ta i ‘inanena, Ieoba, Ieoba, Eaubada ‘i maa nua‘ole‘oleiega ta ‘i oboboma, sabi gamwasoara ‘i so‘iso‘i, nua‘ole‘ole ta ona ‘ai‘aila ‘ediega ‘i maa‘apu‘apu;

Salamo 86:15

Ta ‘oio, ‘Inapwana ie, ‘oio Eaubada nua‘ole‘ole ta oboboma ‘ediega ‘u maa, Gamwasoara manuna ‘u so‘iso‘i, ta ‘imu nua‘ole‘ole ta ona ‘ai‘aila si ‘elosinabwa.

Salamo 63:7

‘Oio ni‘atu ‘agu lema ta ‘enega, Ta papemuao iauiaukwadi ‘ena ia da ‘eguausoara.

Salamo 57:1

Eaubada ie, ‘u da ‘atenua‘ole‘oleiegu, ‘u da ‘atenua‘ole‘oleiegu; Iaruiaruagu ‘i denadena ‘emuia ta ‘enega: Tamo, papemuao iauiaukwadi ‘ena ia da dena, Ga iage to‘umalidi gete si da gumwara.

Salamo 71:19

Eaubada ie, ‘imu bubuna paruparuna wate ‘i mia tu‘e wawasae; Ni‘atu iage sinabwadi ‘u guinuedi, Eaubada ie, iaita ‘oio nadigega?