7 ‘Oio ‘igu esena ‘ebemiakwaia; ‘ate‘uia‘uia ‘enega ‘u da egagaregu; ‘Etoseana ‘ana wari ‘ediega ‘u da giesakowasiegu. (Sela.)
Tauna To Lo ‘Etana Sana ‘ina esena kwaia ‘ena ‘i miamia Tauna Toewaiwai Sana iauiaukwana ‘ena ‘i da mia baula.
‘Oio ‘igu esena ‘ebekwaia ta ‘igu lawa: ‘Imu ona ‘ena ia nuaiaina.
Asiata ‘ebeloniu ‘enega ‘i da ‘egagara kwaiegu ‘ina anua‐‘ebe‘eiauiaukwa ‘enaia ta ‘enega: ‘Ina anua‐tabenakele ‘ina esena kwaia ‘ena ‘i da kwaiegu; ‘I da gilagasigu gurewa debanaia.
Ieoba wate ‘i da anua‐‘ebe‘ita‘i‘ita ‘etosorana taudi si didigedi ‘edia, Anua ‘ebe‘ita‘i‘ita ‘etosorana ‘eto ‘uia ‘ana tutao ‘ediega;
Mataio iauiaukwana ‘ena ‘u da kwaiedi tai ‘ina wasegigi ‘ediega: ‘U da ‘ita‘i‘ita kwaiedi anua‐‘ebe‘eiauiaukwa ‘enaia meia si losaia ‘enega.
Ieoba ie, ‘u da ‘etoseegu ‘agu tarauwarao ‘ediega: ‘Emuia ia dena sabi ‘akwaiegu.
Wari auauna wa da wariei Ieoba ‘enaia; Iage ‘ebenuaowana ni‘atu ‘i guinuedi ta ‘enega; Ataina, ta nimana tabu, ni‘atu si bubu ‘etoseana manuna.
Ta wari auauna ‘awagu ‘ena ‘i sa‘una, tamo lotuputupu ‘ida Eaubada ‘enaia; Iauiaudi si da ‘itena, ta si da matauta, Ta Ieoba ‘ena si da ‘emisa.
‘Ebe‘elo‘uia iauna si da apwesa to to‘umalidi ‘edia: Ta tauna Ieoba ‘ena i ‘emisa, ‘atenua‘ole‘ole ‘i da miasakowasiena.
To paruparudi ‘u da onaobobomedi ta ‘enega: Ieoba ie, ‘u da miasakowasiena nua‐bobo‘anega ‘atua lawa ‘enega.
Seola ‘ina barae si sakowasiegu: Mwawasa ‘ina sikwao si mai ‘eguia.