Salamo 30:6 - Buki Tabu Lowaenei 1919

⁶ Ta ‘abo‘agu manugu, ‘igu mia esaesa ‘ena ia gwae, Gea‘abo sa‘i ia da loniu.

Salamo 30:6 Referans Kwoze

Salamo 119:117

‘U da gietoorogu, ta ia da bobo‘ana, Ta ‘imu loina‐tomwanao ia da ‘amaiabedi ‘ataia.

Salamo 16:8

Ieoba ia sa‘u mataguia ataia: Ataiguia ‘i miami, ta ‘enega gea‘abo ia da loniu.

Isaia 56:12

Si gwae, Wa da mai, oine ia da me‘ena, ta boasi pa‘ara ‘enega ta da lo‘emaeda; Ta gibua‘i ‘i da nadigega batua, asiata ‘ana sinabwa nigea ta da ‘etopwapwa.

Isaia 47:7

Ta ‘u ona, Ia da ilemwaia ‘ataia: ta nadigega iage getedi nigea ‘u sa‘u ‘atemuia, nai ‘ina ‘ebelosaroni ‘u nuena.

Salamo 15:5

Tauna nigea ‘ina mani ‘i da ‘ebwaea sabi loeposeana, Nai pari ‘i da ‘ewena tauna nigea ‘i to‘umalina ‘enega. Tauna iage gete ‘i guinuedi gea‘abo ‘i da loniu.

Salamo 10:6

‘Atenaia ‘i gwae, Gea‘abo ia da loniu: Epata tomota iauiauna ‘edia gea‘abo ia da miamia to‘umalina.

Salamo 126:6

‘Abo ‘ina ‘edega ‘i tautauia ma‘ina dedo, witi ‘atuna makeigana i ‘ewena; ‘I da ‘ilama ma‘ina guausoara, ‘ina bwagilao i ‘a‘aridi.

Isaia 54:7

Tuta tomwana gidarina ia e‘idi‘idiemu ta ‘enega; ta nua‘ole‘ole sinabwadi ‘ediega ia da egogoneio.