6 Ta ‘abo‘agu manugu, ‘igu mia esaesa ‘ena ia gwae, Gea‘abo sa‘i ia da loniu.
‘U da gietoorogu, ta ia da bobo‘ana, Ta ‘imu loina‐tomwanao ia da ‘amaiabedi ‘ataia.
Ieoba ia sa‘u mataguia ataia: Ataiguia ‘i miami, ta ‘enega gea‘abo ia da loniu.
Si gwae, Wa da mai, oine ia da me‘ena, ta boasi pa‘ara ‘enega ta da lo‘emaeda; Ta gibua‘i ‘i da nadigega batua, asiata ‘ana sinabwa nigea ta da ‘etopwapwa.
Ta ‘u ona, Ia da ilemwaia ‘ataia: ta nadigega iage getedi nigea ‘u sa‘u ‘atemuia, nai ‘ina ‘ebelosaroni ‘u nuena.
Tauna nigea ‘ina mani ‘i da ‘ebwaea sabi loeposeana, Nai pari ‘i da ‘ewena tauna nigea ‘i to‘umalina ‘enega. Tauna iage gete ‘i guinuedi gea‘abo ‘i da loniu.
‘Atenaia ‘i gwae, Gea‘abo ia da loniu: Epata tomota iauiauna ‘edia gea‘abo ia da miamia to‘umalina.
‘Abo ‘ina ‘edega ‘i tautauia ma‘ina dedo, witi ‘atuna makeigana i ‘ewena; ‘I da ‘ilama ma‘ina guausoara, ‘ina bwagilao i ‘a‘aridi.
Tuta tomwana gidarina ia e‘idi‘idiemu ta ‘enega; ta nua‘ole‘ole sinabwadi ‘ediega ia da egogoneio.