Salamo 29:11 - Buki Tabu Lowaenei 1919

¹¹ Ieoba waiwai ‘i da ‘ebwaea ‘ina tomota ‘edia; Ieoba tomota ‘i da obobomedi guguiega.

Salamo 29:11 Referans Kwoze

Isaia 40:31

Ta taudi Ieoba ‘ena si iamwaiamwa taudi ‘idi pa‘ara si da ‘ewa limena; si da tu‘e pape ‘ediega ‘atua magisubu; si da pili, ta gea‘abo si da lo‘ame‘ame; si da tautauia, ta gea‘abo oodi ‘i da taba.

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Isaia 40:29

To tabataba waiwai i ‘ebwaedi; ta tauna nigea ‘e bweu ‘ina waiwai pa‘ara ‘i giesinabwa ‘enaia.

Salamo 68:35

Eaubada ie, ‘imu esena tabuiao ‘ediega ‘oio ‘u didiga: Iseraela ‘ina Eaubada, pa‘arina ta waiwai ‘ina tomota i ‘ebwaedi. Eaubada ta da tupuna.

Salamo 37:11

Ta taudi ‘idi bubuna nuana ‘asa si da ‘ewai; Ta si da uiawana taudimo guguia sinabwana manuna.

Salamo 138:3

Asiata ‘ena ia bwau ‘eguia ‘u onalimana, Waiwaiega ‘u lemegu iaruiaruagu ‘enaia.

Salamo 72:3

‘Oeao guguia si da me‘ena tomota ‘edia, Ta ‘oea gidaridi, bubuna paruparunega.

Salamo 85:8

Iage Eaubada Ieoba ‘i da one ia da nonona: ‘I da ona guguia ‘ina tomota ‘edia ta ‘enega, ta ‘ina to ‘esasena ‘edia: Ta gea‘abo si sanasana‘ila limana euwauwa ‘enaia.

Salamo 84:7

Si tauia waiwai ga waiwai ‘enaia, Iauiaudi si apwesa Eaubada matanaia Siona ‘ena.

Salamo 85:10

Nua‘ole‘ole ta ona ‘ai‘aila si eloba; Bubuna paruparuna ta guguia ni‘atu si e‘awamui.

Salamo 72:7

‘Ina tutao to bubuna paruparu si da sinabwa; Ta guguia sinabwawawasae, ga nawarae nigea ‘i miami.

Isaia 26:12

Ieoba, guguia ‘u da loinei manuma: ‘oio ‘imu guinua iauiauna wate ni‘atu ‘u bubudi manuma.