Salamo 28:7 - Buki Tabu Lowaenei 1919

⁷ Ieoba tauna ‘igu waiwai ta ‘igu lawa; ‘Ategu ni‘atu ‘ena i ‘emisa, ta leme ia ‘ewena: Ta ‘enega ‘ategu ‘i guausoara sinabwana; Ta ‘igu wariega ia da tupuna.

Salamo 28:7 Referans Kwoze

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Salamo 40:3

Ta wari auauna ‘awagu ‘ena ‘i sa‘una, tamo lotuputupu ‘ida Eaubada ‘enaia; Iauiaudi si da ‘itena, ta si da matauta, Ta Ieoba ‘ena si da ‘emisa.

Salamo 13:5

Ta ‘imu ‘atenua‘ole‘ole ‘ena ia ‘emisa; ‘Ategu ‘i da guausoara ‘imu ‘etoseana ‘enaia;

Salamo 28:8

Ieoba tauna ‘idi waiwai. Ta tauna i ‘etoseana giiaina pa‘arina ‘ina siwasiwarorodi ‘edia.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Salamo 84:11

Ieoba Eaubada Tauna sinara ta lawa ta ‘enega: Ieoba nua‘ole‘ole ta esaesa ‘i da ‘ebwaea: Taudi si tauia ‘ai‘aila gea‘abo ‘e bweu iage bobo‘ana ‘ediega ‘i da egagare.

Salamo 69:30

Eaubada ‘ana esana ia da tupuna wariega, Ta ia da ‘awasinabwa‘ena lokagutokiega.

Salamo 22:4

Tamamao ‘emuia si ‘emisa: Si ‘emisa, ta u ‘etoseedi.

Salamo 91:4

Dagurinega ‘i da tara‘apwariio Ta papena ‘agaraudia ‘u da dena; ‘Ina ona‘ai‘aila lawa ta lobodaboda.

Salamo 3:3

Ta ‘oio, Ieoba ie, ‘u lawa sakowasiegu; ‘Igu esaesa, ta debagu ‘ana to‐gilagata.

Salamo 21:1

King ‘i da guausoara ‘imu waiwai ‘ena, Ieoba ie; Ta ‘imu ‘etoseana ‘ena ‘i da uiawana sinabwana!

Nugana 15:1

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.

Salamo 46:1

Eaubada ‘ida ‘ebedena ta ‘ida pa‘arina, Tauna lema ta loba ‘ai‘aila elo‘uia ‘enaia.

Salamo 33:21

‘Ateda ‘i da guausoara ‘enaia ta ‘enega, ‘Ana esana tabu ‘ena ni‘atu ta ‘emisa ta ‘enega.

Salamo 19:14

‘Awagu ‘ina ona ta ‘ategu ‘ina nuanua si da bobo‘ana matamuia, Ieoba ie, ‘igu gurewa, ta ‘agu to ‘ewalima.

Isaia 45:24

Ieoba ‘ena tebweuna, ‘e bweu ‘i da gwae ‘eguia, bubuna paruparu ta pa‘ara ‘ena ‘i miami: tuga tauna ‘ena tai si da mai, ta iauiaudi si gamwasoara ‘enaia si da omaiamaia.

Salamo 3:4

Ieoba ‘ena ia bwau ‘enaguiega, Ta ‘ina ‘oea tabuiega ‘eguia ‘i ona limanama. (Sela.)

Salamo 13:6

Ia da wari Ieoba ‘enaia, ‘I bubuna ‘ai‘aila sinabwana ‘eguia ta ‘enega.

Salamo 37:39

Ta to paruparudi ‘adi ‘etoseana Ieoba ‘enega; Tauna ‘idi ‘ebegiiaina‘i‘ita tuta elo‘uia ‘enaia.

Salamo 43:2

‘Oio ‘igu waiwai ‘ina Eaubada; to‘ase manuna ‘u e‘idi‘idiegu? To‘ase manuna ia lopilidadana ma‘igu dedoi tarauwara ‘ina didiga manuna?

Salamo 46:2

Ta ‘enega gea‘abo ta da matamatauta, ‘abo bare‘u ‘ina bubuna ‘i ebuni, Ta ‘abo ‘oea si loniu ora soradia;