Salamo 28:1 - Buki Tabu Lowaenei 1919

¹ ‘Emuia, Ieoba ie, ia da bwau; ‘Igu gurewa, gea‘abo ‘u da ‘etenatui ‘eguia: Nai, ‘abo ‘eguia nigea ‘u da onaonalimana, Ga ia da nadigega taudi si mwa‘uta gaulaia.

Salamo 28:1 Referans Kwoze

Salamo 143:7

Ieoba ie, ‘u da lomanini be ‘u da ona limana ‘eguia; iaruiaruagu ‘i abe ‘i mwamwawasa: Maniniio gea‘abo ‘u da e‘etokwaiena ‘eguiega; Nai ‘abo‘agu taudi si mwa‘umwa‘uta gaulaia nadigegami.

Salamo 18:2

Ieoba ‘igu gurewa, ta ‘igu anua‐waiwai, ta ‘igu to‘etoseana; ‘Igu Eaubada, ‘igu gurewa waiwai, ‘ena ia da ‘emisa; ‘Igu lawa, ta ‘igu ‘etoseana kunana, ‘igu anua‐‘ebe‘ita‘i‘ita ‘etosorana.

Salamo 83:1

Eaubada ie, gea‘abo u ‘e‘enono: Gea‘abo u ‘emwa‘emwa‘ule, ta gea‘abo ooio ‘i nuanua, Eaubada ie.

Isaia 26:4

Ieoba ‘ena ‘u da ‘emisa ‘ataia: Ia Ieoba ‘ena gurewa mia‘ataia ‘i miami ta ‘enega.

Isaia 38:18

‘Ari‘ari gea‘abo ‘i da tupuio ta ‘enega, mwawasa gea‘abo ‘i da ‘awabobo‘aneio: Taudi gaula ‘ena si mwa‘uta gea‘abo si da nuaiai ‘imu ona‘ai‘aila manuna.

Salamo 35:22

Ieoba ie, ni‘atu u ‘itena: gea‘abo ‘u enono; ‘Inapwana ie, gea‘abo ‘eguiega ‘u miami ‘edasora.

Salamo 30:9

To‘ase ‘ina bobo‘ana raragu ‘ena, ‘ena ia mwa‘uta gaulaia? Kau ‘i da tupuio nai? ‘Imu ona ‘ai‘aila ‘i da simane nai?

Salamo 22:2

‘Igu Eaubada ie, asiata ‘enega ia bwau, ta nigea ‘u onaonalimana; Ta tuta boiboi, ta nigea ia enono:

Salamo 3:4

Ieoba ‘ena ia bwau ‘enaguiega, Ta ‘ina ‘oea tabuiega ‘eguia ‘i ona limanama. (Sela.)

Salamo 77:1

Eaubada ‘ena ia da bwau ‘enaguiega; Tuga Eaubada ‘enaia ‘enaguiega, ta ‘eguia ‘i da nono.

Salamo 69:15

Murua gea‘abo ‘i da siwa uiosigu, Nai ni‘uia ‘i da niutaugu; Ta gaula gea‘abo ‘awana ‘i da ebode ‘eguia.

Salamo 5:2

‘Igu dedoi ‘enana ‘u da nonona, ‘igu King, ta ‘igu Eaubada: ‘Emuia ia sidasida ta ‘enega.

Salamo 142:1

‘Enaguiega Ieoba ‘ena ia bwaubwau; ‘Enaguiega ia bubu sidasida Ieoba ‘enaia.

Salamo 39:12

Ieoba ie, ‘igu sidasida ‘u da nonona, ta ‘igu bwau ‘ena ‘u da sana‘ilama; Gea‘abo ‘u miamia emwa‘ule mataserugu ‘edia; ‘Abo‘agu to‘u‘umara ‘emuia ta ‘enega, To sugalagala, nadigega tamaguao iauiaudi.

Salamo 42:9

Ia da ona Eaubada ‘igu gurewa ‘enaia, To‘ase manuna ‘u nuapupuregu? To‘ase manuna ia lopilidadana ma‘igu dedoi tarauwara ‘ina didiga manuna?

Salamo 30:4

Ieoba ‘ena wa da wari tuputupu, ‘Omi ‘ina to ‘esasenao, Ta ‘ana esana tabu ‘ena wa da lokagutoki.

Salamo 142:2

‘Igu ‘olilisana ia siwa matanaia; ‘Igu loniu ia e‘ita‘ita matanaia.