Salamo 25:3 - Buki Tabu Lowaenei 1919

³ Tamo, nigea ‘e bweu ‘emuia ‘i iamwaiamwana ‘i da omaiamaia; Taudi si wasegigi daita si da omaiamaia.

Salamo 25:3 Referans Kwoze

Isaia 40:31

Ta taudi Ieoba ‘ena si iamwaiamwa taudi ‘idi pa‘ara si da ‘ewa limena; si da tu‘e pape ‘ediega ‘atua magisubu; si da pili, ta gea‘abo si da lo‘ame‘ame; si da tautauia, ta gea‘abo oodi ‘i da taba.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Salamo 62:5

Iaruiaruagu, ‘u da mia enonomo Eaubada ‘enaia; ‘Igu nuaiaina tauna ‘enega ta ‘enega.

Salamo 27:14

Ieoba ‘ena ‘u da iamwaiamwa: ‘U da pa‘ara, be ‘ateio ‘i da nuanua waiwai; Tamo, Ieoba ‘ena ‘u da iamwaiamwana.

Salamo 37:34

Ieoba ‘ena ‘u da iamwaiamwana, ta ina ‘eda ‘u da ‘ita‘i‘isi, Ta ‘i da gitu‘eieio be ‘asa ‘u da ‘ewena: ‘Ena to to‘umalidi si ‘upwa‐iauledi, ‘u da ‘itena.

Salamo 33:20

Iaruiaruada Ieoba manuna ‘i iamwaiamwana: Tauna ‘ada ‘ebelema ta ‘ada lawa.

Salamo 123:2

Wa ‘ita, na‘ieana to guinuao matadi ‘idi ‘inapwana nimana ‘ena si ‘ita, Na‘ieana gomagweine matana ‘ina ilemwaia nimana ‘ena; Na‘ieana matada si ‘ita Ieoba ‘ida Eaubada ‘enaia, Ga tuta ‘enega ‘i da ‘atenua‘ole‘oleieda.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Salamo 69:6

Taudi ‘emuia si miamia iamwaiamwana gea‘abo si da omaiamaia manugu, ‘Oio boda ‘idi ‘Inapwana Eaubada: Taudi si ‘ebeseio gea‘abo si da sinaridi manugu, ‘Oio Iseraela ‘ina Eaubada.

Salamo 35:26

Taudi ‘agu ‘elo‘uia manuna si eguausoara si da omaiamaia ta si da ‘atesa‘ara rererea: Taudi manugu si gitu‘eiedi omaiamaia ta ‘ebesinara ‘ediega si da nugwadi.

Salamo 132:18

‘Ana tarauwarao ia da e‘otedi omaiamaia ‘enega: Ta tauna ‘ena ‘ana peaula esaesa ‘i da sinabwa.

Salamo 71:13

Taudi iaruiaruagu ‘ana tarauwarao si da omaiamaia ta si da egumwarena; Taudi ‘igu elo‘uia si ‘ebe‘ebesa ba‘e ta ‘ebesinara si da bodedi.

Salamo 31:17

Ieoba ie, gea‘abo ‘u da tagwaregu be ia da omaiamaia; ‘emuia ia bwau ta ‘enega: To to‘umalidi si da omaiamaia, si da mia enono Seola ‘enaia.

Salamo 62:1

Iaruiaruagu ‘i mia enonomo Eaubada ‘enaia: Tauna ‘enega ‘agu ‘etoseana ‘i mai.

Salamo 6:10

‘Agu tarauwara iauiaudi si da omaiamaia ta ‘elo‘uia wawasae: Si da ‘ilama, si da omaiamaia manini.

Salamo 119:78

To gagasa si da omaiamaia; ma‘idi kabo si ‘ula mwa‘utegu ta ‘enega: Ta ia da nuanua ‘imu ona‘ebe‘ita‘i‘itao ‘edia.

Salamo 109:3

Wate si miasakowasiegu loguitoasa ‘ana ona ‘ediega, Ta si losaia daita ‘eguia.

Salamo 69:4

Taudi si guitoasadaitegu ‘adi iau debagu uiauiana si pilisinena; Taudi nuanuadi si da ‘upwaiaulegu, ‘agu tarauwara geiogeioiao, si ewaiwai; Ga iage nigea ia ‘ewena ia ‘ebwaea‘ena.

Nugana 49:13

Sebulona ora le‘awaia ‘i da miami: Ta tauna ‘i da waga ‘adi le‘awa; Ta ‘ina raba Sidona deinaia.

Salamo 22:6

Ta ‘abo‘agu didimwana, ta nigea tai; Tai ‘idi ‘ebeedagi, ta tomota si sinarigu.

Salamo 31:18

Sopa kabokabo si da ‘emeia lidolido; Taudi to bubuna paruparuna ‘edia si ona opa‘ara, Ma‘idi gagasa ta ma‘idi sinara.