Salamo 24:4 - Buki Tabu Lowaenei 1919

⁴ Tauna nimana nigea bailamo, ta ‘atena i ‘esasena; Tauna iaruiaruana nigea ‘i gilagasina gagasa ‘enaia, Ta nigea ‘i ona‘upa‘upa kabokabo.

Salamo 24:4 Referans Kwoze

Salamo 51:10

Eaubada ie, ‘ate‘esasena ‘u da mwerurui ‘eguia; Ta iaruiarua ‘ai‘aila ‘u da mwerurua lima soraguia.

Salamo 73:1

Eaubada tebweuna ‘i bobo‘ana Iseraela ‘enaia, Tuga taudi nadigega ‘atedi i ‘esasena.

Salamo 26:6

Nimagu ia da ‘utuna bubuna ‘esasena ‘enega; Nadigega ‘imu ‘ebetaria ia da sakowasiena, Ieoba ie:

Salamo 18:20

Ieoba ‘i e‘isegu ‘igu bubuna paruparuna na‘ieana; Na‘ieana nimagu ‘idi ‘esasena ‘eguia ‘i e‘isa.

Salamo 143:8

‘U da loinegu be ‘imu oboboma‐nua‘ole‘ole ia da nonona gonagonaia; ‘Emuia ia ‘emisa ta ‘enega: ‘U da loinegu be ‘eda ‘enega ia da tauia ia da mwaratonina; Iaruiaruaguiega ia ‘ita tu‘e ‘emuia ta ‘enega.

Salamo 15:4

Tauna matanaia to guitoasa ‘i sinarina; Ta taudi Ieoba si matautena i ‘amaiabedi. Tauna ona‐‘upa‘upa manuna i ‘elo‘uia, ta nigea ‘i gibuni.

Salamo 25:1

Ieoba ie, ‘emuia iaruiaruagu ia gitu‘eie,

Nugana 6:5

Ta Ieoba i ‘itena tai ‘ina bubuna to‘umalina ‘i sinabwa bare‘uia, ta ‘atena ‘ina nuanua iauiauna ‘i to‘umali daita tuta iauiauna.

Salamo 51:12

‘Imu ‘etoseana ‘ina guausoara ‘eguia ‘u da ‘ebwaea limane: Ta iaruiarua tagwatagwarina ‘enega ‘u da gietoorogu.