Salamo 22:27 - Buki Tabu Lowaenei 1919

²⁷ Bare‘u ‘ana ‘ebelosaroni iauiauna si da nua‘i‘isi ta Ieoba ‘ena si da sana‘ila: Ta ‘asa ‘idi boda iauiauna matamuia si da bwagobwago.

Salamo 22:27 Referans Kwoze

Salamo 86:9

‘Inapwana ie, ‘ebeloina iauiaudi ni‘atu ‘u mweruruidi si da mai ta si da bwagobwago matamuia; Ta ‘amu esana si da ‘awaeseesei.

Isaia 45:22

Wa da ‘ita ‘eguia, ta wa da bobo‘ana, bare‘u ‘ina ‘ebelosaroniao iauiaumi: ‘abo‘agu Eaubada ta ‘enega, ta nigea wate ‘e bweu.

Salamo 2:8

‘Eguiega ‘u da ona, ta ‘ebeloina ia da ‘ebwaemu ‘amu ‘egu‘eguiai manuna, Ta bare‘u ‘ina esena ‘ana ‘ebelosa‘u ‘imu iage manuna.

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Salamo 96:7

Ieoba ‘ena wa da ‘ebwaea, omi tomota ‘idi susuiao, Ieoba esaesa ta waiwai ‘ena ‘wa da ‘ebwaea.

Salamo 72:11

Tamo, king iauiauna matanaia si da be‘u: ‘Ebeloina iauiaudi ‘ena si da guinua.

Salamo 117:1

Ieoba wa da tupuna, ‘omi ‘ebeloinao iauiaumi; Wa da tupuna, ‘omi tomota iauiaumi.

Salamo 102:22

‘Ena tomota si deriegogona, Ta ‘ebeloinao, sabi guinua Ieoba ‘enaia.

Salamo 72:8

Ma‘ina loina wate ‘ora ga ora, Ta Boasi‘awanega ga bare‘u ‘ana ‘ebelosaroni.

Isaia 49:12

Wa ‘ita, getedi ‘edasorega si da mai: ta, wa ‘ita, getedi iaaratega ta ‘ebwagega; ta getedi ‘asa Sinima ‘enega.

Salamo 98:3

‘Ina nua‘ole‘ole ta ‘ina bubuna ‘ai‘aila Iseraela ‘ina anua ‘ena ni‘atu ‘i nua‘i‘isina; Bare‘u ‘ana ‘ebelosaroni iauiaudi ni‘atu ‘ida Eaubada ‘ina ‘etoseana i ‘itena.

Salamo 69:33

Ieoba gomabeso ‘i nonodi, Ta ‘ina ioniionidi nigea ‘i sinaridi.

Isaia 29:19

Taudi si mia oonua wate ‘idi guausoara si da giesinabwa Ieoba ‘ena, ta gomabeso tomota ‘edia si da uiawana Iseraela ‘ina Tabu Tebweuna ‘enaia.