Salamo 20:5 - Buki Tabu Lowaenei 1919

⁵ ‘Amu ‘etoseana ‘ena ‘a da ewaiwai, Ta ‘ima Eaubada ‘ana esana ‘ena ‘ima doe ‘a da gietooro; ‘Imu sidasida iauiauna Ieoba ‘i da guinua egumwari.

Salamo 20:5 Referans Kwoze

Si Apwesa 17:15

Ta Mose ‘ebetaria i ‘abina, ta ‘i eesena Ieoba‐nisi:

Salamo 60:4

Taudi si matautemu doedoe u ‘ebwaedi, Be ‘enega ‘i da taketake ona ‘ai‘aila manuna. (Sela.)

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Salamo 118:15

Guausoara ta ‘etoseana ‘enadi to paruparu ‘idi anuao ‘edia ‘i miami: Ieoba ‘ataina ‘i guinua waiwai.

Salamo 35:9

Ta iaruiaruagu ‘i da guausoara Ieoba ‘enaia: ‘I da guausoara ‘ana ‘etoseana ‘enaia.

Salamo 13:5

Ta ‘imu ‘atenua‘ole‘ole ‘ena ia ‘emisa; ‘Ategu ‘i da guausoara ‘imu ‘etoseana ‘enaia;

Salamo 9:14

Be ‘enega ‘amu tuputupu maibo‘ana ia da e‘ita: Siona natuna‐me‐wainena ‘ina ‘awa ‘edia, ‘Imu ‘etoseana ‘ena ia da guausoara.

Salamo 19:4

‘Idi raba ‘i tauiawa bare‘u maibo‘ana ‘enaia, Ta ‘idi ona bare‘u ‘ana ‘ebelosaroni ‘enaia. ‘Edia tabenakele ni‘atu ‘i sa‘una sinara manuna,

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Salamo 21:1

King ‘i da guausoara ‘imu waiwai ‘ena, Ieoba ie; Ta ‘imu ‘etoseana ‘ena ‘i da uiawana sinabwana!

Salamo 21:3

Bubuna bobo‘ana ‘ina ‘ebeguausoara ‘ediega ‘u nuganena: Peaula gola ‘esasena debanaia ‘u sa‘una.