Salamo 20:3 - Buki Tabu Lowaenei 1919

³ ‘Imu ‘ebwaeadaita iauiauna ‘i da nua‘i‘isidi, Ta ‘imu taria ‘ara‘arasina ‘i da ‘ewena; (Sela.)

Salamo 20:3 Referans Kwoze

Salamo 51:19

Ga bubuna paruparuna ‘ana tariao ‘imu ‘ebeguausoara, ‘ebwaeadaita gabugabu ta ‘ebwaeadaita gabugabu ma‐iboana; Ga bulomakau si da ‘ebwaeae ‘imu ‘ebetaria ‘enaia:

Nugana 4:4

Ta Abela, tauna wate ‘ina sipiao ‘ediega tomatua ta iapa ‘i me‘edi. Ta Ieoba Abela ta ‘ina ‘ebwaeadaita ‘i nuanuana:

Isaia 60:7

Kedara ‘ina sipi iau iauiaudi si da egogonama ‘emuia, Nebaiota ‘ina sipi me‘olotodi ‘emuia si da guinua: ‘igu ‘ebetaria ‘ena si da tu‘ema ta nuagu ‘i da bobo‘ana ‘edia, ta ‘igu esaesa ‘ina anua ‘ana tuputupu ia da sa‘u.

Loina 9:24

Ta Ieoba matanega awe sabelulu ‘i apwesama, ta ‘ebwaeadaita gabugabu be iapa i ‘ara‘arasidi ‘ebetaria ‘enaia; ta ni‘atu tomota iauiaudi si ‘itena, ga si bwau, ta si be‘u sanamwa‘uta.

Salamo 128:5

Ieoba ‘i da onaobobomeio Sionega: Ta Ierusalema ‘ina bobo‘ana ‘u da ‘itena iawasiio ‘ana asiata iauiauna ‘ediega.

Salamo 134:3

Ieoba ‘i da onaobobomeio Sionega; Tuga tauna garewa ta bare‘u ‘i mweruruidi.