Salamo 19:7 - Buki Tabu Lowaenei 1919

⁷ Ieoba ‘ina loina ‘i bobo‘ai‘ailina, iaruiarua ‘i giebobo‘anena: Ieoba ‘ina simana ‘i pa‘ara ‘ai‘aila, to emwagemwage ‘adi sinapu ‘i sa‘una.

Salamo 19:7 Referans Kwoze

Salamo 119:130

‘Imu ‘ona ‘idi gigege ‘i giema‘edana; Mwagemwagedi ‘idi sinasinapu ‘i sa‘una.

Salamo 111:7

Nimanao ‘idi guinuao ona‘ai‘aila ta loina; ‘Ina iage ta da ‘ita‘i‘isi si eiage ‘ai‘aila.

Salamo 23:3

Iaruiaruagu ‘i giebwebwe‘ana: Bubuna paruparuna ‘ina ‘edao ‘edia ‘i nuganegu ‘ana esana manuna.

Salamo 119:105

‘Imu ona ‘i emaieare ‘aegu ‘edia, Ta ma‘edana ‘igu ‘eda ‘enaia.

Salamo 93:5

‘Imu simanao to ‘ai‘aila sana: Tabu ‘imu anua ‘i sawesawenaia, Ieoba, ataia ta ataia.

Isaia 8:20

Loina ‘ena ta ona ‘ebe‘ita ‘ena ta da tauia! ‘abo nigea si da gwae ona gete na‘ieana, nigea ‘ai‘aila ‘e bweu gonagona manudi.

Salamo 119:111

‘Imu e‘itao ni‘atu ia ‘ewedi ‘egu‘eguiai ‘ataia; Taudi ‘ategu ‘ina guausoara ta ‘enega.

Salamo 119:72

‘Awaio ‘ina loina ‘i bobo‘ana wawasae ‘eguia Gola ta sileba tausanao ‘edia.

Salamo 18:30

Ta Eaubada manuna, ‘ina ‘eda bobo‘ai‘ailina: Ieoba ‘ina ona si toona ga ‘i bobo‘ana; Tauna iauiaudi ‘ena si ‘emisa ‘i lawedi ‘edia.

Salamo 119:24

‘Imu e‘itao wate ‘igu guausoara Ta ‘igu nuanua ‘ina taiao.

Salamo 119:14

‘Imu e‘itao ‘idi ‘eda ‘ena ia guausoara, Sinabwana nadigega oesi iauiaudi ‘edia.

Isaia 8:16

Ona ‘ebe‘ita wa da nunumi, loina wa da giepa‘i ‘igu tononoiao ‘edia.

Salamo 119:152

Lowaeneiega ia mwaratoni ‘imu e‘itao ‘ediega, ‘Aene ni‘atu ‘u sa‘u pa‘ara ‘ataedi.

Salamo 119:9

Mwa‘adega tubuau ‘ina ‘eda ‘i da gie‘esasena? ‘Ita‘i‘isiega na‘ieana ‘imu ona.