Salamo 19:14 - Buki Tabu Lowaenei 1919

¹⁴ ‘Awagu ‘ina ona ta ‘ategu ‘ina nuanua si da bobo‘ana matamuia, Ieoba ie, ‘igu gurewa, ta ‘agu to ‘ewalima.

Salamo 19:14 Referans Kwoze

Salamo 104:34

‘Igu nuanua ‘i da dibidibi ‘enaia: Ia da guausoara Ieoba ‘enaia.

Salamo 51:15

‘Inapwana ie, sopagu ‘u da gigegedi; Ta ‘awagu ‘amu tuputupu ‘i da e‘itae.

Salamo 119:108

Ia sideio, Ieoba ie, ‘awagu ‘ina ‘ebwaeadaitao ‘u da ‘ewedi, Ta ‘imu ‘etarao ‘u da e‘ita ‘eguia.

Isaia 47:4

‘Ida to‐‘ewalimana, bodao ‘idi Ieoba ‘ana esana, Iseraela ‘ina Tabu Tebweuna.

Isaia 44:6

Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.

Isaia 43:14

Ieoba, ‘imi to‐‘ewalimana, Iseraela ‘ina Tabu Tebweuna, gete nadigega ‘i gwae; Leleami Babulonia ‘ena ia etune, ta iauiaudi ia da ‘au‘ewa mwa‘utedi to denadena ‘atua, tuga me Kalidea, ‘idi guausoara ‘idi waga ‘edia.

Isaia 54:5

‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.