Salamo 19:12 - Buki Tabu Lowaenei 1919

¹² Iaita ‘ina loegesi ‘i da ‘itedi? Loegesi kwaia ‘ediega ‘u da li‘amigu.

Salamo 19:12 Referans Kwoze

Salamo 90:8

‘Ima bubuna bokobokodi ni‘atu ‘u sa‘una matamuia, ‘Ima loegesi kwaiaiao maniniio ‘ana ma‘edana ‘enaia.

Salamo 40:12

To‘umalinao ta sawaiogenedi si mia‘oabu‘oabuiegu ta ‘enega, ‘Igu bubuna bokobokodi ni‘atu si ‘ewegu, ta ‘enega nigea ia ewaiwai be ia ‘ita tu‘e; Debagu uiauiana ‘adi iau si pilisinena, ta ‘ategu ni‘atu ‘i e‘idi‘ediegu.

Salamo 139:6

Sinasinapu nadigega ‘ebenuaowana wawasae ‘eguia; ‘I mia tu‘e, nigea kapekapeana ‘ena ia tu‘e.

Isaia 64:6

Iauiauma ni‘atu nadigega ‘e bweu ‘i baila ta ‘enega, ta ‘ima bubuna paruparu iauiaudi nadigega ‘oama mabi‘ina: ta iauiauma ‘a medamedara kaiwe iawana ‘atua; ta ‘ima bubuna bokobokoiao, nadigega iagila, si tauieda.

Salamo 139:2

‘Igu miatoa ta ‘igu tooro ‘u mwaramwaratoni, Nuagu ‘u sinapuna ‘edasorega.

Salamo 51:2

‘Igu bubuna bokobokona ‘enega ‘u da ‘utu ‘ai‘ailigu, Ta ‘igu loegesi ‘enega ‘u da gie‘esaseguia.

Salamo 65:3

Bubuna bokobokodi si ewaiwai ‘eguia: ‘Ima li‘oa‐loina manudi, ‘u da ‘utu iauledi.

Si Apwesa 24:12

Ta Ieoba ‘i ona Mose ‘enaia, ‘Oea ‘ena ‘eguia ‘u da mai, ta ‘ena ‘u da miami: ta tebeli gurewa ia da ‘ebwaemu, ta loina be ona, taudi ni‘atu ia ‘etoladidi, be ‘enega ‘u da e‘ita‘edi.