Salamo 146:6 - Buki Tabu Lowaenei 1919

⁶ Tauna garewa ta bare‘u ‘i mweruruidi, Ora, ta iage iauiauna ‘edia si miami; Tauna ona‘ai‘aila i ‘ita‘i‘isi ‘ataena:

Salamo 146:6 Referans Kwoze

Salamo 100:5

Ieoba ‘i bobo‘ana ta ‘enega; ‘ina nua‘ole‘ole ‘i mia ataia; Ta ‘ina bubuna ‘ai‘aila epata tomota iauiauna ‘edia.

Si Apwesa 20:11

Asiata ‘e sikisi ‘enega Ieoba garewa ta bare‘u ‘i mweruruidi, ora, ta iage iauiauna ‘edia si miami, ta asiata ‘e sebeni nina ‘i miadaita: ta ‘enega Ieoba asiata sabate ‘i ‘awabobo‘anena, ta ‘i etabuna.

Nugana 1:1

Nuganaia Eaubada garewa ta gabura ‘i mweruruidi.

Salamo 95:5

Ora ‘ina iage, ta ‘i mweruruina: Ta nimanao bwa‘a iadaiadana si bubuna.

Salamo 89:2

Ni‘atu ia gwae ta ‘enega, Nua‘ole‘ole si da ‘abi tu‘e ‘ataia; ‘Imu bubuna ‘ai‘aila ‘u da giepa‘arina garewa ‘arena ‘enaia.

Salamo 117:2

‘Ina nua‘ole‘ole ‘i sinabwa ‘edaia ta ‘enega; Ta Ieoba ‘ina ona‘ai‘aila ‘i mia ‘ataia. Ieoba wa da tupuna.

Salamo 33:6

Ieoba ‘ina ona ‘enega garewaia i bubudi; Ta ‘idi boda iauiauna ‘awana iawasinega.

Salamo 115:15

‘Omi oboobobomimi Ieoba ‘enega, Tauna garewa ta bare‘u ‘i mweruruidi.

Salamo 98:3

‘Ina nua‘ole‘ole ta ‘ina bubuna ‘ai‘aila Iseraela ‘ina anua ‘ena ni‘atu ‘i nua‘i‘isina; Bare‘u ‘ana ‘ebelosaroni iauiaudi ni‘atu ‘ida Eaubada ‘ina ‘etoseana i ‘itena.

Salamo 89:33

Ta ‘igu nua‘ole‘ole nigea ‘enega ia da ‘ewa gumwari, Nai ‘igu bubuna ‘ai‘aila ia da tagwara be ‘i ekabokabo.