Salamo 146:3 - Buki Tabu Lowaenei 1919

³ ‘Inapwanao gea‘abo ‘edia wa da ‘emisa, Nai tai natuna me‘olotona ‘ena, tauna ‘ena nigea ‘e bweu lema.

Salamo 146:3 Referans Kwoze

Isaia 2:22

Tai ‘enega wa da sa‘u, tauna iawasina ubusugaugaulina ‘edia: mane ‘enega ta nuena ta ‘enega?

Salamo 108:12

Leme ‘u da ‘ebwaema tarauwara matanaia: Tai ‘ana leme iage besobeso ta ‘enega.

Isaia 37:6

Ta Isaia ‘i eonedi, Gete nadigega wa da ona ‘imi ‘inapwana ‘enaia, Gete nadigega Ieoba ‘i gwae, Ona nidi wa nonodi gea‘abo wa matauta manudi, taudi ona nidi ‘ediega Asiria ‘ana king ‘ina to‐guinuao si ona besobeso ‘eguia.

Isaia 31:3

Ta gete me Aigupito tai tugai, ta nigea Eaubada; ta ‘idi ose esio, ta nigea iaruiarua: ta ni‘atu eoba nimana ‘i da iasitoto, ga ruarua tauna ‘i leme ‘i da setupe, ta tauna ‘i lemena ‘i da be‘u, ta iauiaudi si da neneta rererea.

Salamo 62:9

Ona ‘aiaila tai gomabeso ‘awaiauiauwa tuga, ta tai esaesa onakabokabo. ‘Ebekuge ‘ena si da tu‘e; Rererea si kapekapeana wawasae iage besobeso ‘enaia.

Salamo 60:11

‘U da lemema ‘ama tarauwara ‘enaia: Tai ‘ina leme iage besobeso ta ‘enega.

Isaia 22:25

Asiata gote, bodao ‘idi Ieoba ‘i gwae, neili nina si ‘etoiaina esena pa‘ara ‘ai‘aila ‘enaia ‘i da ‘iwa iaule; ta si da tara mwa‘uta, ta ‘i da be‘u, ta bwagila ‘ena ‘i miami si da ‘upwa iaule; Ieoba ni‘atu ‘i onena ta ‘enega.