Salamo 143:7 - Buki Tabu Lowaenei 1919

⁷ Ieoba ie, ‘u da lomanini be ‘u da ona limana ‘eguia; iaruiaruagu ‘i abe ‘i mwamwawasa: Maniniio gea‘abo ‘u da e‘etokwaiena ‘eguiega; Nai ‘abo‘agu taudi si mwa‘umwa‘uta gaulaia nadigegami.

Salamo 143:7 Referans Kwoze

Salamo 69:17

Maniniio gea‘abo ‘u da ekwaiena ‘imu ‘ari‘ei ‘enega; ‘Abo‘agu ia miamia to‘umalina; ‘u da ona limana manini ‘eguia.

Salamo 28:1

‘Emuia, Ieoba ie, ia da bwau; ‘Igu gurewa, gea‘abo ‘u da ‘etenatui ‘eguia: Nai, ‘abo ‘eguia nigea ‘u da onaonalimana, Ga ia da nadigega taudi si mwa‘uta gaulaia.

Salamo 27:9

‘Imu ‘ari‘ei gea‘abo ‘u da guiguitoase gamwasoarega: ‘Oio ni‘atu ‘agu to leme; Gea‘abo ‘u da ‘ulegu, nai ‘u da e‘idi‘idiegu, ‘Oio ‘agu ‘etoseana ‘ina Eaubada.

Salamo 71:12

Eaubada ie, gea‘abo ‘eguiega ‘u miamia edasora: ‘Igu Eaubada ie, ‘u da lomanini be ‘u da lemegu.

Isaia 38:18

‘Ari‘ari gea‘abo ‘i da tupuio ta ‘enega, mwawasa gea‘abo ‘i da ‘awabobo‘aneio: Taudi gaula ‘ena si mwa‘uta gea‘abo si da nuaiai ‘imu ona‘ai‘aila manuna.

Salamo 102:2

‘Igu dedoi ‘ana asiata gea‘abo maniniio ‘u da kwaiena ‘eguiega: Tenaio ‘u da tagwara ‘eguia; Asiata ‘enega ia bwau ‘u da ona limana manini ‘eguia.

Salamo 69:3

Ia lo‘ame‘ame ‘igu dedoiega; tona‘agu ‘i iapasa; Matagu si ‘egumwara, tuta ia iamwaiamwa ‘igu Eaubada manuna.

Isaia 57:16

Nigea ia da e‘upwa ‘ataia ta ‘enega, ta nigea ia da gamwasoara ‘ataia: iaruiarua ‘i da mwawamwawasa mataguia ta ‘enega, ta iawasidi taudi ni‘atu ia mwerurua.

Isaia 8:17

Ta ia da iamwaiamwa Ieoba manuna, tauna maninina ‘i e‘etokwaiena Iakobo ‘ina susu ‘enega, ta ia da ‘ebesena.

Salamo 70:5

Ta ‘abo‘agu gomabeso ta kakaegu; Eaubada ie, ‘u da lomaninima ‘eguia: ‘Oio ‘igu lema ta ‘agu to ‘etoseana; Ieoba ie, gea‘abo ‘u so‘iso‘i.

Salamo 40:17

Ta ‘abo‘agu ia goamabeso ta ia nanaewa; Ta ‘Inapwana ‘i nua‘i‘isigu: ‘Oio ‘agu lema ta ‘agu to‘etoseana; Gea‘abo ‘u so‘iso‘i, ‘Igu Eaubada ie.

Salamo 22:24

To dedoi ‘idi dedoi nigea ‘i sinarina nai ‘i guitoasena ta ‘enega; Nai maninina ‘enega i ‘etokwaiena; Ta ‘ena ‘i dedoi ‘enaia, ‘i nonona.

Salamo 84:2

Iaruiaruagu ‘i nuanuana, tamo, ‘i eiawasipelapela tuga Ieoba ‘ina ‘ari gamwanaia manuna; ‘Ategu ta esiogu si bwau Eaubada maiawasina ‘enaia.

Salamo 69:18

Iaruiaruagu ‘ena ‘u da mai deinaia, ta ‘u da ‘ewa limena; ‘U da li‘amigu ‘agu tarauwarao manudi.