9 Sikwa si sa‘u manugu ‘enega ‘u da ‘ita‘i‘isigu, Ta bubuna bokobokona ‘ana to‐guinuao ‘idi sunao ‘ediega.
To gagasa sikwa si sa‘u kwaiena manugu, ta baraeao; Gomana si iauiena ‘eda tupitupinega: Sunao si sa‘udi manugu. (Sela.)
To to‘umalidi ni‘atu sikwa si sa‘una manugu; Ta ‘imu ona‐‘ebe‘ita‘i‘isi nigea ‘ediega ia tautauia gesi.
Taudi wate iawasigu si ‘ebese sikwa si sa‘udi; Ta taudi ‘agu elo‘uia si ‘ebese iage wasegigi si oneone, Ta bubuna kabokabo si nuedi asiata miabo‘ana.
‘Ena iaruiaruagu ‘i mwawamwawasa ‘ateguia, ‘oio ‘igu ‘eda ‘u mwaramwaratonina. ‘Eda nina ‘enega ia tautauia ‘ena sikwa si sa‘ukwaia manugu.
‘Ategu ‘i mia‘i‘ita, Eaubada ie, ‘ategu ‘i mia‘i‘ita: Ia da wari, tamo, ia da wari tuputupu.
Taudi meiadi si geiadena sisi saia ‘atua, Ta ‘idi gita si ‘uledi, ona dareredi tugai:
‘Ataigu ‘u da duneduneie, ta ‘u da ‘ita; nigea ‘e bweu tai ‘i mwaramwaratonigu ta ‘enega: ‘Ebedena ni‘atu ia loseena; nigea ‘e bweu tai iaruiaruagu i ‘ita‘ita‘i‘isi.